സ്‌കൂൾ കലോത്സവം; വൈവിധ്യങ്ങളുടെ വിരുന്നൊരുക്കി മൂന്നാം ദിനം; മിമിക്രിയും മോണോ ആക്ടും ഉൾപ്പെടെ അരങ്ങേറുന്നത് ജനകീയ മത്സരങ്ങൾ

തിരുവനന്തപുരം: അനന്തപുരിയിൽ നടക്കുന്ന സംസ്ഥാന സ്‌കൂൾ കലോത്സവത്തിൽ മൂന്നാം ദിനത്തിലേക്ക് അരങ്ങുണരുമ്പോൾ കാണികളെ കാത്തിരിക്കുന്നത് വൈവിധ്യങ്ങളുടെ കലാവിരുന്ന്. മിമിക്രിയും ചവിട്ടുനാടകവും മോണാ ആക്ടും ഉൾപ്പെടെയുള്ള മത്സരയിനങ്ങളാണ് ഇന്ന് വിവിധ വേദികളിലായി നടക്കുക. വേദികളും മത്സരങ്ങളുടെ വിശദ വിവരങ്ങളും അറിയാം

എം.ടി നിള വേദി

സെൻട്രൽ സ്റ്റേഡിയത്തിലെ എം.ടി നിള വേദിയിൽ രാവിലെ 9:30 ന് ഹയർ സെക്കൻഡറി വിഭാഗം പെൺകുട്ടികളുടെ കുച്ചിപ്പുടി മത്സരം ആരംഭിക്കും. ഇതേ വേദിയിൽ ഹൈ സ്‌കൂൾ വിഭാഗം പെൺകുട്ടികളുടെ തിരുവാതിരകളി ഉച്ചയ്‌ക്ക് 2 മണിക്ക് നടക്കും.

പെരിയാർ വേദി

വഴുതക്കാട് ഗവണ്മെന്റ് വിമൻസ് കോളേജിലെ പെരിയാർ വേദിയിൽ രാവിലെ 9.30 ന് ഹൈ സ്‌കൂൾ വിഭാഗം ആൺകുട്ടികളുടെ നാടോടിനൃത്തം ആരംഭിക്കും. തുടർന്ന് ഹൈ സ്‌കൂൾ വിഭാഗം കോൽക്കളി 2 മണിക്ക് നടക്കും.

പമ്പയാർ വേദി

ടാഗോർ തീയേറ്ററിലെ പമ്പയാർ വേദിയിൽ രാവിലെ 9:30 മുതൽ ഹൈ സ്‌കൂൾ വിഭാഗം ദഫ്മുട്ട് തുടങ്ങും. തുടർന്ന് ഹൈസ്‌കൂൾ വിഭാഗം ആൺകുട്ടികളുടെ ഭരതനാട്യം അരങ്ങേറും.

അച്ചൻകോവിലാർ വേദി

കിഴക്കേക്കോട്ട കാർത്തിക തിരുനാൾ തിയേറ്ററിലെ അച്ചൻകോവിലാർ വേദിയിൽ രാവിലെ 9:30 ന് ഹൈ സ്‌കൂൾ വിഭാഗം ചവിട്ടുനാടകം അരങ്ങേറും.

കരമനയാർ വേദി

ഗവണ്മെന്റ് എച്ച് എസ് എസ് മണക്കാടിലെ കരമനയാർ വേദിയിൽ രാവിലെ 9:30 ന് ഹൈ സ്‌കൂൾ വിഭാഗം പെൺകുട്ടികളുടെ കേരളനടനവും ഉച്ചതിരിഞ്ഞ് 2 മണിക്ക്
ഹൈ സ്‌കൂൾ വിഭാഗം പരിചമുട്ടും നടക്കും.

ഭവാനി നദി വേദി

പാളയം സെന്റ് ജോസഫ് എച്ച് എസ് എസ്സിലെ ഭവാനി നദി വേദിയിൽ രാവിലെ
9.30 ന് ഹയർ സെക്കൻഡറി വിഭാഗം ആൺകുട്ടികളുടെ മിമിക്രിയും ഉച്ചയ്‌ക്ക് 12 മണിക്ക് ഹയർ സെക്കൻഡറി വിഭാഗം പെൺകുട്ടികളുടെ മിമിക്രിയും നടക്കും. തുടർന്ന് ഉച്ചതിരിഞ്ഞ് 3 മണിക്ക് ഹയർ സെക്കൻഡറി വിഭാഗം വൃന്ദവാദ്യം അരങ്ങേറും.

വാമനപുരം നദി

പട്ടം ഗവണ്മെന്റ് ഗേൾസ് എച്ച് എസ് എസ്സിലെ വാമനപുരം നദി വേദിയിൽ രാവിലെ 9.30 ന് ഹയർ സെക്കൻഡറി വിഭാഗം ആൺകുട്ടികളുടെ മോണോ ആക്റ്റും ഉച്ചക്ക് 12 മണിക്ക് ഹയർ സെക്കൻഡറി വിഭാഗം പെൺകുട്ടികളുടെ മോണോ ആക്റ്റും നടക്കും. തുടർന്ന് 3 മണിക്ക് ഹയർ സെക്കൻഡറി വിഭാഗം വട്ടപാട്ട് ആരംഭിക്കും.

മീനച്ചലാർ വേദി

വെള്ളയമ്പലത്തെ ഇൻസ്റ്റിറ്റ്യൂട്ട് ഓഫ് എഞ്ചിനീയറിംഗ് മീനച്ചലാർ വേദിയിൽ
രാവിലെ 9.30 ന് ഹയർ സെക്കൻഡറി വിഭാഗം മദ്ദളവും ഉച്ചക്ക് 12 മണിക്ക് തബലയും വൈകിട്ട് 3 മണിക്ക് ഹൈ സ്‌കൂൾ വിഭാഗം തബലയും നടക്കുന്നതാണ്.

കരുവന്നൂർപ്പുഴ വേദി

ഭാരത് ഭവനിലെ കരുവന്നൂർപ്പുഴ വേദിയിൽ രാവിലെ 9:30 ന് ഹൈ സ്‌കൂൾ വിഭാഗം യക്ഷഗാനം നടക്കുന്നതാണ്. നിശാഗന്ധി ഓഡിറ്റോറിയത്തിലെ കബനി നദി വേദിയിൽ രാവിലെ 9.30 ന് ഹൈ സ്‌കൂൾ വിഭാഗവും ഉച്ചകഴിഞ്ഞ് 2 മണിക്ക് ഹയർ സെക്കൻഡറി വിഭാഗവും മലപുലയ ആട്ടം അരങ്ങേറുന്നതാണ്.

ചിറ്റാരിപുഴ വേദി

സെന്റ് മേരീസ് എച് എസ് എസ് പട്ടം വേദിയായ ചിറ്റാരിപുഴയിൽ രാവിലെ 10 മണിക്ക് ഹയർ സെക്കൻഡറി വിഭാഗം ബാൻഡ് മേളം അരങ്ങേറും.