തിരുവനന്തപുരം: ബിജെപി പുതിയ സംസ്ഥാന ഭാരവാഹികളെ പ്രഖ്യാപിച്ചു. നാല് ജനറല് സെക്രട്ടറിമാരും ഒന്പത് വൈസ് പ്രസിഡന്റുമാരുമടക്കമുളള ഭാരവാഹിപ്പട്ടികയാണ് പ്രഖ്യാപിച്ചത്. കെ. സുരേന്ദ്രന്. എ.എന് രാധാകൃഷ്ണന്. എം.ടി രമേശ്, ശോഭാ സുരേന്ദ്രന് എന്നിവരാണ് ജനറല് സെക്രട്ടറിമാര്.
കെ.പി ശ്രീശന് മാസ്റ്റര്, പി.എം വേലായുധന്, ജോര്ജ് കുര്യന്, പി.പി വാവ, എന് ശിവരാജന്, എം.എസ് സമ്പൂര്ണ, പ്രമീള നായിക്, നിര്മല കുട്ടികൃഷ്ണന്, ബി. രാധാമണി തുടങ്ങിയവരാണ് വൈസ് പ്രസിഡന്റുമാര്. പാര്ട്ടി വക്താവായിരുന്ന വി.വി രാജേഷ് അടക്കം എട്ട് സെക്രട്ടറിമാരെയും തെരഞ്ഞെടുത്തു. സി. ശിവന്കുട്ടി, വി.കെ സജീവന്, എ.കെ നസീര്, അഡ്വ. ബി. ഗോപാലകൃഷ്ണന്, സി കൃഷ്ണകുമാര്, എസ് ഗിരിജ കുമാരി, രാജി പ്രസാദ് എന്നിവരെയാണ് വി.വി രാജേഷിനെക്കൂടാതെ സെക്രട്ടറിമാരായി തെരഞ്ഞെടുത്തത്.
പ്രതാപചന്ദ്ര വര്മയാണ് ട്രഷറര്, അഡ്വ. ജെ.ആര് പത്മകുമാറാണ് പുതിയ പാര്ട്ടി വക്താവ്. അഡ്വ. കെ.പി പ്രകാശ് ബാബുവാണ് യുവമോര്ച്ചയുടെ സംസ്ഥാന അദ്ധ്യക്ഷന്, രേണു സുരേഷ് ആണ് മഹിളാ മോര്ച്ചയുടെ അദ്ധ്യക്ഷ. കര്ഷക മോര്ച്ചയെ പി.ആര് മുരളീധരനും ന്യൂനപക്ഷ മോര്ച്ചയെ ജിജി ജോസഫും, എസ് സി മോര്ച്ചയെ അഡ്വ. പി. സുധീറും ഒബിസി മോര്ച്ചയെ പുഞ്ചക്കരി സുരേന്ദ്രനും നയിക്കും.
പുതിയ ജില്ലാ അദ്ധ്യക്ഷന്മാരെയും സംസ്ഥാന കമ്മറ്റി അംഗങ്ങളെയും ഇതോടൊപ്പം തെരഞ്ഞെടുത്തിട്ടുണ്ട്.