ന്യൂഡല്‍ഹി: ഇന്ത്യയുടേയും ചൈനയുടേയും അതിര്‍ത്തിയിലെ സൈനികര്‍ ഒത്തുകൂടുന്ന പരിപാടി റദ്ദാക്കി. എല്ലാ വര്‍ഷവും മെയ് ഒന്നിന് സൈനികര്‍ ആഘോഷ പൂര്‍വ്വം നടത്തിവന്ന അനൗപചാരിക ഒത്തുകൂടലാണ് വേണ്ടെന്ന് വച്ചത്. കൊറോണ ബാധയുടെ പശ്ചാത്തല ത്തിലാണ് സൈനികരുടെ ആരോഗ്യരക്ഷ പരിഗണിച്ച് ഇന്ത്യ മുന്‍കൈ എടുത്ത് റദ്ദാക്കിയത്. വര്‍ഷത്തില്‍ രണ്ടു തവണ വീതം ഇരുരാജ്യങ്ങളും വ്യത്യസ്ത തീയതികളിലായി ആകെ നാലുതവണ കൂടാറുണ്ട്. ഇന്ത്യ ജനുവരി 26നും ആഗസ്റ്റ് 15നുമാണ് സൈനിക ഒത്തുകൂടല്‍ നടത്താറ്. ചൈന അവരുടെ ദേശീയ ദിനമായ ഒക്ടോബര്‍ 1നും മെയ് 1നുമാണ് പരിപാടി സംഘടിപ്പിക്കാറുള്ളത്.
നിലവില്‍ ഇന്ത്യയുമായി ചൈന അതിര്‍ത്തി പങ്കിടുന്ന 3500 കിലോമീറ്ററിലാണ് സൈനി കരുടെ സാന്നിദ്ധ്യമുള്ളത്. ഇത്രയും പ്രദേശത്തങ്ങളിലായി 5 സൈനിക കേന്ദ്ര താവളങ്ങളാണ് ഉള്ളത്. ലഡാക്കിലെ വടക്കന്‍ മേഖലയിലെ ദൗലത് ബെഗ് ഓല്‍ദി, ലഡാക്കിലെ തന്നം ചുസുല്‍ ഇന്‍, അരുണാചലിലെ കിബിത്തുവും തവാങ്ങിലെ ബും ലായും, സിക്കിമിലെ നാഥു ലാ എന്നിവയുമാണ് കേന്ദ്രങ്ങള്‍.
