ബ്രസ്സല്‍സ്സ്: യൂറോപ്പ്യന്‍ യൂണിയനും പാകിസ്താനെതിരെ തിരിയുന്നു. ഇസ്ലാമിക ഭരണകൂടവും ഭീകരന്മാരും നടത്തുന്ന കടുത്ത മനുഷ്യാവകാശ ലംഘനങ്ങള്‍ക്കെതിരെ ശക്തമായ നടപടി യാണ് യുറോപ്പ്യന്‍ യൂണിയനിലെ അംഗങ്ങള്‍ ആവശ്യപ്പെട്ടിരിക്കുന്നത്. യുറോപ്പ്യന്‍ പാര്‍ല മെന്റിലെ അംഗങ്ങളാണ് യൂറോപ്പ്യന്‍ കമ്മീഷനോട് പാക് നടപടികളെ അന്വേഷിക്കണമെന്ന ആവശ്യം ഉന്നയിച്ചിരിക്കുന്നത്.
പഷ്തൂണ്‍ മേഖലയിലെ നേതാക്കളായ ആരിഫ് വസീറിന്റേയും മാദ്ധ്യമ പ്രവര്‍ത്തകന്‍ സാജിദ് ഹുസ്സൈനിന്റേയും കൊലപാതകത്തിനെതിരെയാണ് യൂറോപ്യന്‍ യൂണിയനിലെ ജനപ്രതി നിധികള്‍ ശക്തമായ വിമര്‍ശനം ഉന്നയിച്ചിരിക്കുന്നത്.
യൂറോപ്പ്യന്‍ കമ്മീഷന്‍ അധ്യക്ഷ ഉറുസ്വേല ലെയിനിന് നാല് എം.പി മാരാണ് അടിയന്തിര കത്ത് നല്‍കിയത്. ഹെല്‍മറ്റ് ഗീകിംഗ്, പീറ്റര്‍ ലന്റ്ഗ്രിന്‍, റിസാര്‍ഡ് സാര്‍നെക്കി, ബോഗ്ഡാന്‍ സോന്‍കാ എന്നിവരാണ് പരാതി നല്‍കിയത്. പാകിസ്താന്‍ രഹസ്യാന്വേഷണ വിഭാഗത്തിന്റെ ഭാഗത്തു നിന്നുള്ള മൗനം ഏറെ അപകടകരവും തികച്ചും മനുഷ്യാവകാശ ലംഘനമാണെന്നും കത്തിലൂടെ വ്യക്തമാക്കുന്നു.
മെയ് 1-ാം തീയതിയാണ് പഷ്തൂണ്‍ നേതാവായ വസീറിനെ വസീറിസ്ഥാനിലെ വാണായാലെ വീട്ടുമുറ്റത്ത് വച്ച് കൊലപാതകികള്‍ വധിച്ചത്. പാകിസ്താനിലെ ഇസ്ലാമിക ഭരണകൂടത്തില്‍ നിന്നും അഭയം തേടി സ്വീഡനില്‍ താമസിക്കുകയായിരുന്നു മാദ്ധ്യമ പ്രവര്‍ത്തകന്‍ ഹുസൈനിനെ സ്റ്റോക്ക്‌ഹോമിലെ നദിയില്‍ മരിച്ച നിലയിലണ് കണ്ടെത്തിയത്.
മനുഷ്യാവകാശത്തിനായി ശക്തമായി നിലകൊണ്ട രണ്ടുപേരെ പാകിസ്താന്‍ ഭരണകൂടത്തിന്റെ അറിവോടെയാണ് വകവരുത്തിയിരിക്കുന്നത്. ലോകം മുഴുവന്‍ കൊറോണ പ്രതിരോധ പ്രവര്‍ത്തനത്തിലിരിക്കവേ നടത്തിയ കൊലപാതകങ്ങള്‍ ഏറെ അപകടകരവും ദുരുദ്ദേശപരവുമാണെന്നും യൂറോപ്യന്‍ ജനപ്രതിനിധികള്‍ ചൂണ്ടിക്കാട്ടി.
