ന്യൂഡല്‍ഹി: ആത്മനിര്‍ഭരമായ ഭാരതം എന്ന പ്രധാനമന്ത്രി മുന്നോട്ട് വച്ച പ്രയത്‌നം നാടിനെ ഒന്നിപ്പിക്കുന്നതാണ് അല്ലാതെ ഒറ്റപ്പെടുത്തുന്നതല്ലെന്ന് ധനകാര്യമന്ത്രി നിര്‍മ്മല സീതാരാമന്‍ . പ്രധാനമന്ത്രി നരേന്ദ്രമോദിയുടെ രാജ്യത്തോടുള്ള അഭിസംബോധനക്ക് ശേഷം ചെയ്ത ട്വീറ്ററിലൂടെയാണ് ധനകാര്യമന്ത്രി അഭിപ്രായപ്പെട്ടത്.
#AatmaNirbharBharat does not imply isolationism or becoming exclusionist. We’ll build capacities, skill people and compete globally acquiring strengths. We’ll build the #Local. After all, every global brand began with their #Local strength. We shall integrate with GVCs. @PMOIndia
— Nirmala Sitharaman (@nsitharaman) May 12, 2020
‘ ഇന്ത്യന്‍ സമ്പദ് വ്യവസ്ഥ വിവിധ തലത്തില്‍ ശക്തിപ്പെട്ടുകഴിഞ്ഞു. ഇന്ന് നമുക്ക് ആത്മവിശ്വാസത്തോടെ ലോകത്തെ നേരിടാം സാധിക്കുന്നു. നമ്മള്‍ ആഗ്രഹിക്കുന്നത് സമഗ്രമായ മാറ്റമാണ്. അല്ലാതെ ചെറിയ ചെറിയ സഹായങ്ങളും മാറ്റങ്ങളുമല്ല. നമുക്ക് ഈ മഹാമാരി കാലഘട്ടത്തെ മികച്ച അവസരമാക്കിയാണ് മാറ്റേണ്ടത്.’ നിര്‍മ്മല സീതാരാമന്‍ ട്വിറ്ററില്‍ കുറിച്ചു.
2001ലെ കച്ചിലെ ഭൂകമ്പത്തിലെ തകര്‍ന്ന ഗുജറാത്ത് ഉയര്‍ത്തെഴുന്നേറ്റത് ജനങ്ങളുടെ കൂട്ടായ്മയിലൂടെയാണ്. അതിനാലാണ് പ്രധാനമന്ത്രി ആത്മനിര്‍ഭര ഭാരതം എന്ന ആശയത്തിലൂടെ ജനങ്ങളുടെ കൂട്ടായ്മയില്‍ വിശ്വാസം ഊന്നിയിരിക്കുന്നതെന്നും നിര്‍മ്മല സീതാരാമന്‍ ചൂണ്ടിക്കാട്ടി.
