ലണ്ടന്: യൂറോപ്പിലെ കൊറോണ ബാധ കുറയാതെ തുടരുമ്പോള് ഡെന്മാര്ക്ക് പ്രതിരോധ ത്തില് പുതിയ വിജയഗാഥ രചിക്കുന്നു. ഒരു മാസമായി സ്കൂളുകള് പ്രവര്ത്തിക്കുന്നു എന്ന വാര്ത്തയാണ് പുറത്തുവരുന്നത്. മികച്ച പ്രതിരോധ പ്രവര്ത്തനങ്ങളിലൂടെ മരണനിരക്ക് 550ല് പിടിച്ചു നിര്ത്താന് സാധിച്ചതിന്റെ പശ്ചാത്തലത്തിലാണ് പൊതുസ്വകാര്യ മേഖല കളിലെ പ്രൈമറി സ്കൂളുകളടക്കം തുറന്ന് പ്രവര്ത്തിക്കാന് ഭരണകൂടം അനുമതി നല്കിയത്.
ലിന്ഗോജ് എന്ന പട്ടണത്തിലാണ് ആദ്യത്തെ സ്കൂള് തുറന്നു പ്രവര്ത്തിച്ചതെന്ന് അന്താ രാഷ്ട്ര വാര്ത്താ മാദ്ധ്യമങ്ങള് റിപ്പോര്ട്ട് ചെയ്യുന്നു. സുരക്ഷാപാഠങ്ങള് മനസ്സിലാക്കിയും സാമൂഹിക അകലം പാലിക്കാന് ശീലിപ്പിച്ചും അദ്ധ്യാപകര് കുട്ടികളെ പരിശീലി പ്പിക്കുകയാണ്. സ്കൂളില് ഇടവേളകളില് കളിക്കാന് വിടുന്നുണ്ടെങ്കിലും പരമാവധി അടുത്ത് ഇടപെഴകാന് അനുവദിക്കുന്നില്ലെന്നും സ്കൂള് അധികൃതര് പറയുന്നു. കെട്ടിപ്പിടിച്ച് പരസ്പരം അഭിവാദ്യം ചെയ്തിരുന്നവരെ അത് വിലക്കാനും നിങ്ങള് നിങ്ങളെ തന്നെ സ്നേഹിക്കേണ്ട സമയമാണെന്നും അദ്ധ്യാപകര് പറഞ്ഞുകൊടുക്കുകയാണ്.
ആകെ 10713 പേര്ക്കാണ് കൊറോണ രാജ്യത്ത് സ്ഥിരീകരിച്ചത്. ഇവരില് 8805പേരുടെ രോഗം ഭേദമായി. ഇതുവരെ മരണപ്പെട്ടവരുടെ സംഖ്യ 537 ആണെന്നും അധികൃതര് സൂചിപ്പിച്ചു.
