മിലാന്‍: റയല്‍ മാഡ്രിഡിന്റെ സ്പാനിഷ് ലീഗ് കിരീടം നേടുമെന്ന കാര്യത്തില്‍ സംശയമില്ലായിരുന്നുവെന്ന് ലൂക്കാ മോഡ്രിച്ച്. ക്രിസ്റ്റിയാനോ റൊണാള്‍ഡോ യുവന്റസിലേയ്‌ക്ക് കൂടുമാറിയാലും റയല്‍ കിരീടം നേടണമെന്ന് തീരുമാനിച്ചാണ് സീസണ്‍ മുഴുവന്‍ കളിച്ചെതെന്നും മോഡ്രിച്ച് പറഞ്ഞു. 2018 സീസണ്‍ നിറംമങ്ങിയെങ്കിലും അത് 2019ല്‍ തിരിച്ചുപിടിക്കുമെന്ന്് തീരുമാനിച്ചിരുന്നു. ബാഴ്‌സലോണ ലീഗ് കിരീടം കൊണ്ടുപോയതും, ലിവര്‍പൂള്‍ ചാമ്പ്യന്‍സ് ലീഗ് നേടിയതും വലന്‍സിയ കോപാ ഡെല്‍ റേ നേടിയതും നോക്കി നില്‍ക്കേണ്ടി വന്നതും കഴിഞ്ഞ സീസണിലെ വേദനയായി മോഡ്രിച്ച് ഓര്‍മ്മിപ്പിച്ചു.
എന്നാല്‍ സിനദിന്‍ സിദാനെന്ന പരിശീലകന്റെ വരവ് ഞങ്ങളെ ലീഗില്‍ ശക്തരാക്കി. നിര്‍ണ്ണായക മത്സരങ്ങളിലെല്ലാം ജയിക്കാനായതാണ് ലീഗ് കിരീടം നേടാന്‍ സഹായിച്ചതെന്നും മോഡ്രിച്ച് കൂട്ടിച്ചേര്‍ത്തു. റോണാള്‍ഡോ പോയത് ടീമിന്റെ വീര്യത്തേയോ ലക്ഷ്യത്തേയോ ബാധിച്ചില്ലെന്ന് ഒരിക്കല്‍ കൂടി മോഡ്രിച്ച് എടുത്തു പറഞ്ഞു.
സ്പാനിഷ് ലീഗില്‍ 38 കളികളിലായി 26 ജയങ്ങളും 9 സമനിലകളുമാണ് റയല്‍ നേടിയത്. 3 കളികളില്‍ മാത്രമാണ് തോറ്റത്. ആകെ 87 പോയിന്റുമായി ലീഗിലെ ചാമ്പ്യന്മാരുമായി. രണ്ടാം സ്ഥാനത്തായ ബാഴ്‌സലോണ ഹോം എവേ മത്സരങ്ങളില്‍ മികച്ച പ്രകടനം നടത്താനാവാതെയാണ് പിന്നാക്കം പോയത്. റയല്‍ തുടര്‍ത്തയായി 10 കളികള്‍ അവസാന ഘട്ടത്തില്‍ ജയിച്ചുമുന്നേറിയപ്പോള്‍ അത്രയും കളികളില്‍ 3 മത്സരത്തില്‍ ബാഴ്‌സ സമനിലക്കുരുക്കില്‍ പെട്ട് വിലപ്പെട്ട 6 പോയിന്റുകള്‍ തുലച്ചു. 38 കളികളിലായി 25 ജയങ്ങളും 7 സമനിലയും 6 തോല്‍വികളുമായി 82 പോയിന്റുകളാണ് മെസ്സിയുടെ കീഴില്‍ ബാഴ്‌സ നേടിയത്.
