കാര്‍ഗില്‍ ദിനം: ദേശീയ യുദ്ധസ്മാരകത്തില്‍ പ്രണാമം അര്‍പ്പിച്ച് രാജ്‌നാഥ്‌സിംഗ്

ന്യൂഡല്‍ഹി: കാര്‍ഗില്‍ വിജയ ദിനത്തിന്റെ ചടങ്ങില്‍ പ്രതിരോധ മന്ത്രി രാജ്‌നാഥ് സിംഗ് ബലിദാനികളായ ധീരസൈനികര്‍ക്ക് ആദരാഞ്ജലികള്‍ അര്‍പ്പിച്ചു. ഇന്നുരാവിലെ 9മണിക്കാണ് ന്യൂഡല്‍ഹിയിലെ ദേശീയ യുദ്ധ സ്മാരകത്തില്‍ പ്രതിരോധമന്ത്രി പുഷ്പചക്രം അര്‍പ്പിച്ചത്. പ്രതിരോധമന്ത്രിക്കൊപ്പം സംയുക്തസേനാ മേധാവി ജനറല്‍ ബിപിന്‍ റാവത്, മൂന്ന് സേനകളുടേയും മേധാവിമാര്‍ എന്നിവരും പങ്കെടുത്തു.

On the 21st anniversary of Kargil Vijay, I would like to salute the brave soldiers of the Indian Armed Forces who fought the enemy under the most challenging conditions that the world had witnessed in the recent history. #CourageInKargil

— Rajnath Singh (@rajnathsingh) July 26, 2020

കാര്‍ഗിലെ ഇന്ത്യന്‍ സൈന്യം പാകിസ്താനെതിരെ നേടിയ വിജയത്തിന്റെ 21-ാം വാര്‍ഷിത്തില്‍ ഏറ്റവും ഭീഷണമായ  സാഹചര്യത്തെ നേരിട്ട് നേടിയ വിജയത്തിന് ധീര സൈനികരെ പ്രണമിക്കുന്നുവെന്ന് ട്വിറ്ററിലൂടെ പ്രതിരോധ മന്ത്രി സന്ദേശം നല്‍കി.

1999ലെ കാര്‍ഗിലെ ഇന്ത്യന്‍ സൈന്യം പാകിസ്താനെതിരെ നേടിയ വിജയത്തിന്റെ 21-ാം വാര്‍ഷികമാണ് രാജ്യം ആഘോഷിക്കുന്നത്. ഇന്ന് കാര്‍ഗില്‍ മേഖലകളിലും ജമ്മുകശ്മീരിലെ സൈനിക ആസ്ഥാനങ്ങളിലും ചടങ്ങുകള്‍ നടന്നു. അതാത് പ്രദേശത്തിന്റെ ചുമതലവഹിക്കുന്ന സൈനിക മേധാവികളും ധീരസൈനികരുടെ ബലിദാനത്തെ അനുസ്മരിച്ചു.

സംസ്ഥാനങ്ങളിലെ സൈനിക ക്യാമ്പുകളിലും ചടങ്ങുകള്‍ സംഘടിപ്പിച്ചിട്ടുണ്ട്. വിരമിച്ച സൈനികരുടെ സാന്നിദ്ധ്യത്തിലുള്ള ചെറു ചടങ്ങുകളും വീരജവാന്മാരുടെ കുടുംബാംഗങ്ങളെ ആദരിക്കുന്ന ചടങ്ങുകളും ഇന്ന് നിയന്ത്രിതമായ രീതിയില്‍ നടക്കുമെന്നും സൈനിക വൃത്തങ്ങള്‍ അറിയിച്ചു.