ലിസ്ബണ്‍: ചാമ്പ്യന്‍സ് ലീഗ് ഫുട്‌ബോളിന്റെ ക്വാര്‍ട്ടര്‍ ഫൈനല്‍ പോരാട്ടങ്ങളുടെ ടീമുകളുടെ കാര്യത്തില്‍ തീരുമാനമായി. നാലുദിവസങ്ങളിലായി ഏകപാദമത്സരങ്ങളാണ് ഇത്തവണ നടക്കുന്നത്. കൊറോണക്കാലമായതിനാല്‍ രണ്ടു പാദങ്ങളിലായ നടക്കേണ്ട ക്വാര്‍ട്ടറുകള്‍ ഒറ്റ മത്സരമാക്കി യുവേഫ മാറ്റി നിശ്ചയിച്ചിരിക്കുകയാണ്.
13-ാം തീയതി വ്യാഴാഴ്ച മുതലാണ് മത്സരങ്ങള്‍ നടക്കുന്നത്. നാലു ക്വാര്‍ട്ടര്‍ പോരാട്ടങ്ങളും നാലു ദിവസമായി ചുടര്‍ച്ചയായി നടക്കും. സെമിഫൈനല്‍ മത്സരങ്ങള്‍ 19നും 20നും നടക്കും. ഫൈനല്‍ 24-ാം തീയതിയാണ്.
ആദ്യ ക്വാര്‍ട്ടര്‍ പോരാട്ടം 13ന് അത്‌ലാന്റയും പാരീസ് സെയിന്റ് ജെര്‍മൈനും തമ്മിലാണ്. 14-ാം തീയതി ലീപ്‌സിഗും അതിലറ്റികോ മാഡ്രിഡും ഏറ്റുമുട്ടു. ബാഴ്‌സലോണയും ബയേണ്‍ മ്യൂണിച്ചും 15-ാം തീയതിയും മാഞ്ചസ്റ്റര്‍ സിറ്റിയും ലയണും 16-ാം തീയതിയും ഏറ്റുമുട്ടും.
Comments