ബീജിംഗ്: ലഡാക്കിലെ സൈനിക സാന്നിദ്ധ്യം വര്‍ധിപ്പിക്കുന്നതിനിടയിലും ഇന്ത്യയുമായുള്ള സൗഹൃദം ഉയര്‍ത്തിക്കാട്ടി ബീജിംഗ്. അതിര്‍ത്തിയിലെ സംഘര്‍ഷം ഇന്ത്യയുമായുള്ള സൗഹൃദത്തിനെ ബാധിക്കാന്‍ അനുവദിക്കില്ലെന്നാണ് ബിജിംഗ് വൃത്തങ്ങള്‍ പറയുന്നത്. ചൈനീസ് വിദേശകാര്യവക്താവ് സാവോ ലിജിയാനാണ് ചൈനയുടെ വിദേശകാര്യനയം വ്യക്തമാക്കിയത്. ഇതിനിടെ പാങ്‌ഗോംഗ് തടാകക്കരയിലെ സൈനികനീക്കത്തെക്കുറിച്ച് ഉത്തരം പറയാതെ ലിജിയാന്‍ ഒഴിഞ്ഞുമാറി.
ഇന്ത്യയുമായി സഹകരിക്കാവുന്ന എല്ലാ മേഖലകളിലും പരിപൂര്‍ണ്ണ സഹായം നല്‍കുമെന്നും ചൈന പറഞ്ഞു. നിലവില്‍ കൊറോണ വൈറസ് വ്യാപനത്തിന്റെ പശ്ചാത്തലത്തില്‍ അമേരിക്ക, റഷ്യ, ബ്രിട്ടണ്‍, ഫ്രാന്‍സ് തുടങ്ങിയ രാജ്യങ്ങളുമായുള്ള നയതന്ത്ര ബന്ധം മെച്ചപ്പെടുത്തുമെന്നും ചൈന അറിയിച്ചു.
Comments