വേഗതയുടെ കാര്യത്തില് ആരെയും അമ്പരപ്പിക്കുന്ന പ്രകടനം കാഴ്ചവച്ച ഒരാളുണ്ട് ലോകത്തിലെ ഏറ്റവും മികച്ച ഓട്ടക്കാരില് ഒരാളായ ഉസൈന് ബോള്ട്ട്. തന്റെ 34-ാം മുപ്പത്തിനാലാം വയസ്സിനിടെ ബോള്ട്ട് വാങ്ങിക്കൂട്ടിയ പുരസ്കാരങ്ങള്ക്ക് കണക്കില്ല. ലോക പ്രശസ്തനായ സ്പ്രിന്റര് എന്നതിലുപരി നല്ലൊരു ഫുട്ബോള് താരം കൂടിയാണ് ഉസൈന് ബോള്ട്ട്. 1977 ന് ശേഷം 100 മീറ്ററിലേയും 200 മീറ്ററിലേയും ലോകറെക്കോര്ഡുകള്ക്ക് ഉടമയായ ആദ്യ കായികതാരമാണ് ഉസൈന് ബോള്ട്ട്. സ്പ്രിന്റില് 8 ഒളിംപിക് സ്വര്ണ മെഡലുകളും 11 ലോക ചാമ്പ്യന്ഷിപ്പ് സ്വര്ണ മെഡലുകളും നേടുന്ന ആദ്യ കായിക താരം കൂടിയാണ് ബോള്ട്ട്.
തുടര്ച്ചയായ മൂന്നു ഒളിമ്പിക്സ് മത്സരങ്ങളില് 100 മീറ്ററിലും 200 മീറ്ററിലും സ്വര്ണം നേടിയ ആദ്യ താരമായ ബോള്ട്ട് തുടര്ച്ചയായി മൂന്നു ഒളിമ്പിക്സ് സ്വര്ണം നേടി കൊണ്ട് ട്രിപ്പിള് ട്രിപ്പിള് എന്ന നേട്ടവും കൈവരിച്ചു. ഒളിമ്പിക്സില് മികച്ച പ്രകടനം കാഴ്ചവെച്ച ഇദ്ദേഹത്തെ ‘ലൈറ്റ്നിങ് ബോള്ട്ട്’ എന്നും വിശേഷിപ്പിക്കുന്നു. 2014 ലോകചാമ്പ്യന്ഷിപ്പിലൂടെ തന്റെ ഓട്ടം തുടങ്ങിയ ഉസൈന് ബോള്ട്ട് 2016 ല് ബ്രസീലിലെ റിയോ ഡി ജനീറോയില് വെച്ച് നടന്ന ഒളിമ്പിക്സിനു ശേഷം വിരമിച്ചു.
തുടര്ച്ചയായി നാലു തവണ മികച്ച പുരുഷ അത്ലറ്റിനുള്ള ഇന്റര്നാഷണല് അസോസിയേഷന് ഓഫ് അത്ലറ്റിക് ഫെഡറേഷന്റെ (ഐഎഎഎഫ്) അത്ലറ്റ് ഓഫ് ദി ഇയര് ആയി തിരഞ്ഞെടുക്കപ്പെട്ടു. കൂടാതെ രണ്ട് തവണ ട്രാക്ക് & ഫീല്ഡ് അത്ലറ്റ് ഓഫ് ദി ഇയര് അവാര്ഡും ലോറസ് സ്പോഴ്സ്മാന് ഓഫ് ദി ഇയര്അവാര്ഡും ഹുസൈന് ബോള്ട്ട് സ്വന്തമാക്കിയിട്ടുണ്ട്. ലോകം കണ്ട ഏറ്റവും മികച്ച അത്ലറ്റുകളിലൊരാളാണ് ഉസൈന് ബോള്ട്ട്. ബോള്ട്ടിന്റെ കായിക ജീവിതവുമായി ബന്ധപ്പെട്ട് ‘അയാം ബോള്ട്ട്’ എന്ന സിനിമയും പുറത്തിറക്കിയിട്ടുണ്ട്.
