പ്രണയവും പ്രണയത്തകര്‍ച്ചയും ജീവിതത്തില്‍ ഒരിക്കല്‍ പോലും അനുഭവിച്ചിട്ടില്ലാത്താവര്‍ ചുരുക്കം. ഇവ നല്‍കുന്ന അനുഭവങ്ങള്‍ പലര്‍ക്കും പലതരത്തിലാകും. ചിലര്‍ക്ക് നല്ല ഓര്‍മ്മകള്‍ സമ്മാനിക്കുമ്പോള്‍ ചിലര്‍ക്ക് ഇത് തീരാനോവാകും. ഇത് അവരുടെ ജീവിതത്തെ തന്നെ മാറ്റിമറിക്കാം. പലരുടെയും ജീവിതത്തിന്റെ താളങ്ങളും തെറ്റാം. എന്നാല്‍ ഈ ദുഷ്‌കരമായ ഘട്ടത്തെ അതിജീവിക്കാനുള്ള കുറിച്ച് വിദ്യകള്‍ നോക്കാം.
നിങ്ങള്‍ നിങ്ങളെ തന്നെ സ്നേഹിക്കുക എന്ന് പറയുമ്പോള്‍ ഒരുപക്ഷേ അത് ഭ്രാന്തമാണെന്ന് തോന്നാം. ചില സാഹചര്യങ്ങളില്‍ നിങ്ങള്‍ക്ക് നിങ്ങളുടെ സ്‌നേഹബന്ധത്തില്‍ സംശയം തോന്നാം, നിങ്ങളെ പങ്കാളി സ്‌നേഹിക്കുന്നുണ്ടോ എന്ന സംശയം. ഈ വികാരം ശക്തിപ്പെടുമ്പോള്‍ നിങ്ങള്‍ക്ക് മറ്റുള്ളവരെ സ്‌നേഹിക്കാന്‍ കഴിയില്ല. ആ സംശയത്തില്‍ കഴിയുന്ന നിങ്ങളെ അവര്‍ക്കും സ്‌നേഹിക്കാന്‍ കഴിയില്ല. അതുകൊണ്ട് നിങ്ങള്‍ ആദ്യം നിങ്ങളെ തന്നെ സ്നേഹിക്കുക. അപ്പോള്‍ നിങ്ങളെയും മറ്റുള്ളവര്‍ സ്‌നേഹിക്കും.
സമപ്രായക്കാരുടെ സമ്മര്‍ദ്ദം വലിയൊരു കാര്യമാണെങ്കിലും അതില്‍ വലിയ കാര്യമില്ല. നമ്മുടെ ഇഷ്ടാനിഷ്ടങ്ങളെ മറ്റുള്ളവര്‍ സ്വാധീനിക്കുന്നുണ്ടാകം. എന്നാല്‍ നിങ്ങളുടെ താല്‍പ്പര്യങ്ങളെ സ്വാധീനിക്കാന്‍ മറ്റുള്ളവരെ അനുവദിക്കരുത്. മറ്റുള്ളവരുടെ താല്‍പ്പര്യങ്ങള്‍ക്ക് അനുസരിച്ചാകരുത് നമ്മുടെ ജീവിതം. നിങ്ങള്‍ എന്താണോ ആഗ്രഹിക്കുന്നത് അത് ചെയ്യുക. നിങ്ങള്‍ ആരാണെന്ന് നിങ്ങള്‍ തന്നെ സ്വയം മനസ്സിലാക്കുക.
സിനിമകളിലും പുസ്തകങ്ങളിലും ഉള്ള കഥാപാത്രങ്ങള്‍ യാഥാര്‍ത്ഥ്യമാണെന്ന് പറയുന്ന ഒരു കാലം വരാം. സിനിമയിലെയും പുസ്തകങ്ങളിലെയും കഥയോ കഥാപാത്രങ്ങളോ നിങ്ങളെ നിരാശപ്പെടുത്തുന്നുവെങ്കില്‍ അതൊരിക്കലും നിങ്ങളുടെ ജീവിതത്തില്‍ സംഭവിച്ചിരിക്കില്ല. സ്‌ക്രീനുകളിലോ പുസ്തകങ്ങളിലോ കാണുന്ന ചില വാക്കുകളുടെ അടിസ്ഥാനത്തില്‍ പ്രണയത്തെ വിലയിരുത്തരുത്. സ്‌നേഹം അതിനേക്കാള്‍ മഹത്തരമാണ്. നിങ്ങള്‍ക്കത് അനുഭവപ്പെടുമ്പോള്‍ മാത്രമെ അതിന്റെ തീവ്രത നിങ്ങള്‍ക്ക് മനസ്സിലാകു.
പ്രണയം മനോഹരമാണ്. എന്നാല്‍ പ്രണയഭംഗം വളരെ ആഴത്തിലുള്ള മുറിവുകളാണ് സമ്മാനിക്കുന്നത്. പ്രണയത്തകര്‍ച്ചയ്‌ക്ക് ശേഷം കൂടുതല്‍ കാലം ഒറ്റയ്‌ക്ക് തന്നെ ജീവിക്കുകയാണെങ്കില്‍ നിങ്ങളുടെ ഹൃദയത്തെ തകര്‍ക്കാന്‍ ആര്‍ക്കും കഴിയില്ല. എന്നാല്‍ പ്രണയത്തില്‍ ആകുന്നതില്‍ നിന്നോ വിരഹത്തില്‍ നിന്നോ നിങ്ങള്‍ക്ക് സ്വയം അകന്നുനില്‍ക്കാന്‍ കഴിയില്ല. തീര്‍ച്ചയായും ഓര്‍മ്മകള്‍ നിങ്ങളെ വേട്ടയാടും. അതുകൊണ്ട് നിങ്ങള്‍ സ്വയം ശക്തരാകുക. ധൈര്യം വീണ്ടെടുക്കുക.
ഒരു വേര്‍പിരിയലിന് ശേഷം മനസ്സൊന്ന് ശാന്തമാക്കാന്‍ കുറച്ച് സമയമെടുക്കുക. എല്ലാ ഓര്‍മ്മകളില്‍ നിന്നും മോചനം നേടുമ്പോള്‍ മാത്രം പുതിയ ഒരു ബന്ധത്തെ കുറിച്ച് ആലോചിക്കുക.
നിങ്ങളുടെ ജീവിതത്തില്‍ പലരും വന്നുപോകും. അവരില്‍ ചിലര്‍ നിങ്ങളുടെ രഹസ്യങ്ങള്‍ സൂക്ഷിക്കും. അവര്‍ നിങ്ങളുടെ രഹസ്യങ്ങള്‍ സൂക്ഷിക്കുന്നതില്‍ ഒരു കാരണമുണ്ടാകാം. എന്നാല്‍ അവര്‍ നിങ്ങളുമായുള്ള ബന്ധം ഉപേക്ഷിക്കുകയാണെങ്കില്‍ നിങ്ങളുടെ രഹസ്യങ്ങള്‍ അവര്‍ ലോകത്തോട് വെളിപ്പെടുത്തിയേക്കാം. നിങ്ങള്‍ തിരിച്ചും. അതുകൊണ്ട് രഹസ്യങ്ങള്‍ സ്വയം സൂക്ഷിക്കുന്നതാകും നല്ലത്.
മറ്റുള്ളവര്‍ നല്ലവരാണെന്നും നിങ്ങള്‍ അവരെ പോലെ അല്ലെന്നും നിങ്ങള്‍ ചിന്തിക്കുന്നുണ്ടെങ്കില്‍ നിങ്ങളുടെ വാദം തെറ്റാണ്. എല്ലാവര്‍ക്കും കുറവുകളുണ്ട്. ആരും സമ്പൂര്‍ണമല്ല. എല്ലാവര്‍ക്കും തെറ്റുകള്‍ സംഭവിക്കാം. മറ്റുള്ളവരെക്കാള്‍ നമ്മളോ നമ്മേക്കാള്‍ മറ്റുള്ളവരോ വലുതോ ചെറുതോ അല്ല എന്ന് ചിന്തിച്ചു തുടങ്ങിയാല്‍ തന്നെ നിങ്ങള്‍ക്ക് നല്ലൊരു ജീവിതം നയിക്കാന്‍ കഴിയും.
നിങ്ങള്‍ക്ക് എന്ത് തോന്നിയാലും നിങ്ങളുടെ വികാരങ്ങളോട് നിങ്ങള്‍ നൂറു ശതമാനം സത്യസന്ധത പുലര്‍ത്തുക. നിങ്ങള്‍ക്ക് നെഗറ്റീവായാണ് തോന്നുന്നതെങ്കില്‍ നിങ്ങള്‍ വാക്കുകള്‍ ശ്രദ്ധയോടെ കൈകാര്യം ചെയ്യുക. മോശം സന്ദര്‍ഭങ്ങളില്‍ മോശമായ വാക്കുകളാണ് നിങ്ങള്‍ പറയുന്നതെങ്കില്‍ അതില്‍ പിന്നീട് ദു:ഖിച്ചിട്ട് കാര്യമില്ല.
Comments