ഡെങ്കി പനിയെപ്രതിരോധിക്കാൻ ചില ആയുർവേദ പരിഹാരങ്ങൾ

ഈഡീസ് ഈജിപ്തി കൊതുകുകൾ മൂലമുണ്ടാകുന്ന ഇൻഫ്ലുവൻസ രോഗമാണ് ഡെങ്കി പനി . ഛർദ്ദി, കടുത്ത തലവേദന, ഓക്കാനം, തിണർപ്പ്, സന്ധി വേദന, കണ്ണിനു പിന്നിലെ വേദന, പേശി വേദന, വീർത്ത ഗ്രന്ഥികൾ എന്നിവയാണ് ഡെങ്കി പനിയുടെ പ്രധാന ലക്ഷണങ്ങൾ. ഈ ലക്ഷണങ്ങൾ സമയബന്ധിതമായി ചികിത്സിച്ചില്ലെങ്കിൽ, ക്ഷീണം, ഛർദ്ദിയിൽ രക്തം, നിരന്തരമായ ഛർദ്ദി, മോണയിൽ രക്തസ്രാവം, അസ്വസ്ഥത, കടുത്ത വയറുവേദന, ദ്രുത രക്തസ്രാവം തുടങ്ങിയ സങ്കീർണമായ പ്രശ്നങ്ങൾ വർദ്ധിക്കുകയും അപകടം വരെ ഉണ്ടാവുകയും ചെയ്യും . ഡെങ്കി പനിക്ക് പ്രത്യേക ചികിത്സ ലഭ്യമല്ലാത്തതിനാൽ, രോഗലക്ഷണങ്ങൾക്കുള്ള ചികിത്സയാണ് പൊതുവെ നൽകാറുള്ളത് . ഭാഗ്യവശാൽ, ഡെങ്കിപ്പനിക്ക് ഫലപ്രദമായ നിരവധി ആയുർവേദ പരിഹാരങ്ങൾ ലഭ്യമാണ് .

ഡോക്ടർ നിർദേശിക്കുന്ന ചികിത്സക്കൊപ്പം തന്നെ രോഗപ്രതിരോധ ശേഷി വർധിപ്പിക്കാനും അസുഖം വേഗം ഭേദമാകാനും വേണ്ടി നിങ്ങൾക്ക് വീട്ടിൽ തയ്യാറാക്കുവുന്ന ചില ആയുർവേദ പൊടിക്കൈകൾ കൂടി ഉൾപ്പെടുത്താവുന്നതാണ്

ഉലുവ: ഉലുവയുടെ ഏറ്റവും വലിയ ഗുണങ്ങളിലൊന്ന് അത് ശക്തമായ ഒരു വേദനസംഹാരിയാണ് എന്നതാണ് . ഉലുവ ഇലകൾ രാത്രി മുഴുവൻ വെള്ളത്തിൽ കുതിർത്തു വെച്ചതിന് ശേഷം , രാവിലെ ഇല ഊറ്റി കളഞ്ഞതിന് ശേഷം വെള്ളം കുടിക്കുന്നത് ഉത്തമമാണ് .

ഓറഞ്ച് ജ്യൂസ്: വിറ്റാമിൻ സി രോഗപ്രതിരോധ ശേഷി വർദ്ധിപ്പിക്കാൻ സഹായിക്കുന്ന ഒന്നാണ് . ഓറഞ്ച് ജ്യൂസിൽ ധാരാളം വിറ്റാമിൻ സി അടങ്ങിയിരിക്കുന്നതിനാൽ രോഗപ്രതിരോധ ശേഷി വർദ്ധിപ്പിക്കുന്നതിനും ശരീരത്തിലെ ജലാംശം നിലനിർത്തുന്നതിനും ഗുണപ്രദമാണ് .

വേപ്പില : വേപ്പിന്റെ ഇലകൾക്ക് അത്ഭുതകരമായ ഔഷധഗുണങ്ങൾ ആണുള്ളത് . ഡെങ്കി പനിക്ക് കാരണമായ വൈറസിന്റെ വളർച്ചയും വ്യാപനവും തടയുന്നതിന് ഇത് വളരെയധികം സഹായിക്കും. രക്തത്തിൽ വെളുത്ത രക്താണുക്കളുടെ അളവ് വർദ്ധിപ്പിക്കുന്നതിനും രോഗപ്രതിരോധ ശേഷി വർദ്ധിപ്പിക്കുന്നതിനും ഇത് സഹായിക്കും.വേപ്പില ഇട്ടു തിളപ്പിച്ച വെള്ളം കുടിക്കുന്നത് ഉചിതമായിരിക്കും .

പപ്പായ ഇലകൾ: പപ്പായ ഇല വളരെക്കാലം മുതൽ ഡെങ്കിപ്പനി ചികിത്സിക്കുന്നതിനുള്ള ഒരു ജനപ്രിയ പരിഹാരമാണ്. രോഗികളിലെ ഡെങ്കിപനിയുടെ ലക്ഷണങ്ങൾക്ക് ശമനം വരുത്തുകയും രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്നതിലൂടെ ചികിത്സയ്‌ക്ക് സഹായകമാകും . പപ്പായ ഇലയുടെ നീര് പിഴിഞ്ഞെടുത്തു രോഗം ഭേദമാകുന്നത് വരെ ദിനവും രണ്ടു നേരം സേവിക്കുക .

കരിക്കിൻ വെള്ളം : ഡെങ്കിപ്പനി ലക്ഷണങ്ങളിൽ ഛർദ്ദിയും ഉൾപ്പെടുന്നു. ഇത് ശരീരത്തെ നിർജ്ജലീകരണം ചെയ്യും. ഇത് സംഭവിക്കുന്നത് തടയാൻ, അവിശ്വസനീയമായ പോഷണവും ജലാംശവും ഉള്ള കരിക്കിൻ വെള്ളം കുടിക്കുന്നത് രോഗത്തിന് ശമനം ഉണ്ടാകാൻ സഹായിക്കും .