തിളക്കവും , യുവത്വവും , മാർദ്ദവവും ഉള്ള ചർമ്മം ഏതൊരു വ്യക്തിയുടെയും സ്വപ്നമാണ് . മനോഹരമായ ചർമ്മത്തിനായി വിവിധയിനം വസ്തുക്കൾ നിത്യവും നാം ഉപയോഗിക്കുന്നു . പലപ്പോഴും അവ ചർമ്മത്തിന് ദോഷകരമാവുകയും ചെയ്യുന്നു . അതിനാൽ മനോഹരമായ ചർമ്മം ലഭിക്കുവാനായി രാസവസ്തുക്കൾ അടങ്ങിയ വസ്തുക്കൾ ഉപയോഗിക്കുന്നതിനു പകരം ഈ പഴവർഗ്ഗങ്ങൾ നിങ്ങളുടെ ആഹാരക്രമത്തിന്റെ ഭാഗമാക്കിയാൽ ഏറെ ഫലം ചെയ്യും .
ഓറഞ്ച്
തിളക്കമുള്ള ചർമ്മത്തിന് പ്രതിദിനം വിറ്റാമിൻ സി കഴിക്കേണ്ടത് അനിവാര്യമാണ് . ഓറഞ്ചിൽ അടങ്ങിയിരിക്കുന്ന പ്രകൃതിദത്ത എണ്ണകൾ ചർമ്മത്തിലെ ജലാംശം നിലനിർത്തുകയും സംരക്ഷിക്കുകയും ചെയ്യും . ഓറഞ്ച് അല്ലികളായോ ജ്യൂസ് ആയോ നിത്യവും കഴിക്കാൻ ശീലിക്കുക . കൂടാതെ ചർമ്മത്തിൽ കരിവാളിപ്പോ മറ്റോ ഉണ്ടെങ്കിൽ ഓറഞ്ച് ജ്യൂസ് പാടുള്ളടിത് പുരട്ടുന്നത് പ്രയോജനം ചെയ്യും .
പപ്പായ
വിറ്റാമിൻ എ, സി, ബി എന്നിവയിൽ സമ്പന്നമായ പപ്പായ ചർമ്മത്തിന്റെ നല്ല ആരോഗ്യം നിലനിർത്താൻ ഫലപ്രദമാണെന്ന് തെളിയിച്ചിട്ടുണ്ട് . പപ്പായ കഴിക്കുന്നത് ദഹനവ്യവസ്ഥ മെച്ചപ്പെടുത്താനും മലബന്ധം തടയാനും സഹായിക്കും . ഇതും ഒരു തരത്തിൽ ചർമ്മത്തിന്റെ സംരക്ഷണത്തിന് അനിവാര്യമാണ് .പ്രാതലിന് ഒരു ബൗൾ പപ്പായ കഴിക്കുന്നത് ഗുണം ചെയ്യും കൂടാതെ പഴുത്ത പപ്പായ നന്നായി ഉടച്ചു ചർമ്മത്തിൽ തേക്കുന്നത് ചർമ്മത്തിന്റെ മൃദുത്വം കാത്തു സൂക്ഷിക്കാൻ സഹായിക്കും .
നാരങ്ങ
വിറ്റാമിൻ സിയാൽ സമ്പുഷ്ടമായ നാരങ്ങ, വാർദ്ധക്യം, ഹൈപ്പർപിഗ്മെന്റേഷൻ, വടുക്കൾ എന്നിവയുടെ ലക്ഷണങ്ങൾ കുറയ്‌ക്കാൻ സഹായിക്കും. സ്വാഭാവിക ബ്ലീച്ചിംഗ് ഏജന്റ് കൂടിയാണ് നാരങ്ങ.ചർമ്മത്തിന് ഉണ്ടാകുന്ന ഒട്ടുമിക്ക പ്രശ്നങ്ങൾക്കും പരിഹാരം കാണാൻ നാരങ്ങക്ക്‌ സാധ്യമാകും എന്നതിനാൽ നിത്യവും നിങ്ങളുടെ ആഹാരത്തിന്റെ ഭാഗമാക്കാൻ ശ്രദ്ധിക്കുക .
തണ്ണിമത്തൻ
തണ്ണിമത്തൻ നാരുകളാൽ സമ്പന്നമായ പഴവർഗ്ഗമാണ് ഒപ്പം ഇതിൽ ധാരാളം വെള്ളവും അടങ്ങിയിരിക്കുന്നു . അതിനാൽ തണ്ണിമത്തൻ കഴിക്കുന്നത് ചർമ്മത്തിലെ ജലാംശം നിലനിർത്താൻ സഹായിക്കുന്നു .തണ്ണിമത്തനിൽ അടങ്ങിയിരിക്കുന്ന വിറ്റാമിൻ സി ചർമ്മത്തിൽ ഉണ്ടാകുന്ന നേർത്ത വരകളും പാടുകളും മായ്‌ക്കാൻ സഹായിക്കുന്നു .
സാലഡ് വെള്ളരി
സാലഡ് വെള്ളരിയുടെ ഭൂരിഭാഗവും വെള്ളമാണ് അതിനാൽ തന്നെ ഇത് കഴിക്കുന്നത് ചർമ്മത്തിലെ ജലാംശം നിലനിർത്താനും അതുമൂലം മൃദുത്വം കാത്തുസൂക്ഷിക്കാനും സഹായിക്കും .
Comments