മാഡ്രിഡ്: ക്ലബ്ബ് മാറി ആദ്യ കളിയില്‍ത്തന്നെ തന്റെ പ്രതിഭ തെളിയിച്ച് സുവാരസ്. അത്‌ലറ്റികോയ്ക് വേണ്ടി ആദ്യ മത്സരം കളിക്കാനിറങ്ങിയ സുവാരസ് ടീമിന് മിന്നുന്ന ജയമാണ് സമ്മാനിച്ചത്. രണ്ട് ഗോളുകളുമായി കളം നിറയുകയും ഒന്നിന് വഴിയൊരുക്കുകയും ചെയ്ത കളിയില്‍ ഒന്നിനെതിരെ 6 ഗോളുകള്‍ക്ക് ഗ്രനാഡയെയാണ് അത്‌ലറ്റികോ തകര്‍ത്തത്. ഡീഗോ കോസ്റ്റയിലൂടെ 9-ാം മിനിറ്റിലാണ് അത്‌ലറ്റികോയുടെ ആദ്യഗോള്‍.
തുടര്‍ന്ന് അന്‍ഗെല്‍ കൊറേയ, ജോ ഫെലിക്‌സ്, മാര്‍ക്കോസ് ലോറന്റേ എന്നിവര്‍ സുവാരസിന് മുന്നേ മൂന്നു ഗോളുകള്‍ സ്വന്തമാക്കി. കളിയുടെ 85-ാം മിനിറ്റിലാണ് സുവാരസ് ആദ്യ ഗോള്‍ നേടിയത്. 87-ാം മിനിറ്റില്‍ ഗ്രനാഡ ജോര്‍ഗേ വിദാലിലൂടെ ഒരു ഗോള്‍ മടക്കിയെങ്കിലും കളിയുടെ അവസാന നിമിഷം ഇഞ്ച്വറി ടൈമില്‍ സുവാരസ് രണ്ടാം ഗോളും നേടി.
Comments