ബ്രിട്ടനിലെ സൂപ്പർ മാർക്കറ്റ് ശൃംഖലയായ അസ്ദയെ സ്വന്തമാക്കി ഇന്ത്യൻ സഹോദരന്മാർ

ലണ്ടൻ: പ്രവാസി ലോകത്തിൽ ഇന്ത്യൻ വിജയഗാഥ വീണ്ടും. ബ്രിട്ടണിലെ വിപുലമായ സൂപ്പർമാർക്കറ്റ് ശൃഖലയായ അസ്ദ ഇനി ഇന്ത്യൻ കൈകളിൽ ഇന്ത്യൻ വംശജരായ മൊഹ്‌സിനും സഹോദരൻ സുബേർ ഇസ്സയുമാണ് അസ്ദയുടെ ഓഹരികൾ സ്വന്തമാക്കിയത്. ലണ്ടൻ കേന്ദ്രീകരിച്ച് പെട്രോളിയം ബിസിനസ്സ് രംഗത്തുള്ള ലക്ഷാധിപതിമാരിൽ പേരെടുത്തവരാണ് മൊഹ്‌സിനും ഇസ്സയും.

വാൾമാർട്ടെന്ന അന്താരാഷ്‌ട്ര ഭീമന്മാരിൽ നിന്നാണ് മൊഹ്‌സിനും ഇസ്സയും അസ്തദയെ വാങ്ങിയത്.64000 കോടി ഇന്ത്യൻ രൂപയോളമാണ് ശൃഖലയുടെ ആകെ മൂല്യം. ഗുജറാത്ത് സ്വദേശികളുടെ മാതാപിതാക്കൾ 1970കളിലാണ് ലണ്ടനി ലെത്തിയത്. യൂറോ ഗ്യാരേജസ് എന്ന പേരിൽ പ്രെട്രോൾ പമ്പുകളാണ് ഇവരുടെ കുടുംബ ബിസിനസ്സിന്റെ അടിത്തറ.

71 വർഷമായി ബ്രിട്ടണിലെ മികച്ച സൂപ്പർമാർക്കറ്റ് ശൃംഖലയെന്ന് പേരെടുത്ത സ്ഥാപനമാണ് അസ്ദ. ഇവർക്കൊപ്പം ടെസ്‌കോയും സെയിൽസ്‌ബെറിയുമാണ് ബ്രിട്ടനിലെ മറ്റ് സുപ്രധാന സൂപ്പർമാർക്കറ്റ് ശൃംഖല. ബ്രീട്ടീഷ് പൗരന്മാരായ ഇന്ത്യൻ സഹോദരന്മാരെ ബ്രിട്ടനിലെ ഇന്ത്യൻ സമൂഹം അഭിനന്ദിച്ചു.