ആരോഗ്യത്തിന്റെ പ്രധാന ഘടകങ്ങൾ ആണ് വിറ്റാമിൻസ്, പ്രോട്ടീനുകൾ, ധാതുക്കൾ തുടങ്ങിയവ. നാം കഴിക്കുന്ന ഭക്ഷണത്തിലൂടെയാണ് ഇവ നമ്മുടെ ശരീരത്തിൽ എത്തുന്നത്. കൂടാതെ വിവിധ ജീവിത രീതികളും നമ്മുടെ ആരോഗ്യത്തെ ബാധിക്കുന്നു. അതായത് വ്യായാമം, ശരിയായ ഉറക്കം എന്നിവ.
വിറ്റാമിൻ ഡിയുടെ ഉറവിടമായി കണക്കാക്കുന്നത് സൂര്യനെയാണ്. കൊറോണ രോഗവ്യാപനത്തിനിടയിൽ വിറ്റാമിൻ ഡി രോഗപ്രതിരോധത്തിന് സഹായിക്കുമോ എന്നതുമായി ബന്ധപ്പെട്ട പഠനമാണ് ഇപ്പോൾ വന്നിരിക്കുന്നത്. പഠനപ്രകാരം വിറ്റാമിൻ ഡി കൊറോണ രോഗത്തിന്റെ കാഠിന്യം കുറയ്‌ക്കും എന്നാണ്.
ബോസ്റ്റോൺ യൂണിവേഴ്‌സിറ്റി ഓഫ് മെഡിസിൻ നടത്തിയ പഠനത്തിന്റെ അടിസ്‌ഥാനത്തിൽ ആണ് ഇത്തരമൊരു നിഗമനത്തിൽ ഗവേഷകർ എത്തിയിരിക്കുന്നത്. ശരീരത്തിൽ ആവശ്യത്തിന് വിറ്റാമിൻ ഡി ഉള്ളവരിൽ കൊറോണ അത്രത്തോളം ബാധിക്കില്ല എന്നാണ് റിപ്പോർട്ടിൽ ഉള്ളത്. ഉദഹരണത്തിന് അബോധവസ്ഥയിലാകുക, ശരീരത്തിൽ ഓക്സിജൻ അളവ് കുറയുക എന്നീ അവസ്ഥകൾ ഇവരിൽ ഉണ്ടാകുകയില്ല. പഠന റിപ്പോർട്ടുകൾ പ്ലോസ് വൺ എന്ന മെഡിക്കൽ ജേർണലിൽ ആണ് പ്രസിദ്ധീകരിച്ചിരിക്കുന്നത്. കഴിഞ്ഞ വർഷങ്ങളിലായി വിവിധ ഗവേഷകർ നടത്തിയ പഠനങ്ങൾ വഴി ശ്വാസകോശ സംബന്ധമായ അസുഖങ്ങൾക്കെതിരെ വിറ്റാമിൻ ഡി നല്ലൊരു പ്രതിരോധ ഘടകമാണെന്ന് തെളിയിച്ചിട്ടുണ്ട്.
സി – റിയാക്റ്റീവ് പ്രോട്ടീനുകൾ കുറവാണെങ്കിലും വിറ്റാമിൻ ഡി ശരീരത്തിൽ ഉണ്ടെങ്കിൽ അവരിൽ പ്രതിരോധ കോശങ്ങളായ ലിംഫോസൈറ്റുകൾ ആവശ്യത്തിലധികം ഉണ്ടാവുകയും ഇത് രോഗപ്രതിരോധത്തിന് സഹായിക്കുകയും ചെയ്യും, ദി നാഷണൽ റിപ്പോർട്ട് ചെയ്തു.
കൊറോണ മൂലമുണ്ടാകുന്ന മരണങ്ങൾ ഒരു പരിധി വരെ തടയാൻ വിറ്റാമിൻ ഡിയ്‌ക്ക് സാധിക്കുമെന്നും ഇത്തരം പഠനങ്ങൾ പറയുന്നു.
235 കൊറോണ രോഗികളിൽ നിന്നും ശേഖരിച്ച രക്ത സാമ്പിളുകളിൽ നടത്തിയ പഠനത്തിന്റെ അടിസ്‌ഥാനത്തിൽ ആണ് ഇത്തരമൊരു റിപ്പോർട്ട്.
Comments