ബയേണിനും അത്‌ലാന്റയ്‌ക്കും തകര്‍പ്പന്‍ ജയം

മ്യൂണിച്ച്: കിംഗ്‌സിലി കോമാന്റെ ഇരട്ടഗോള്‍ മികവില്‍ ബയേണ്‍ മ്യൂണിച്ചും മുന്നേറ്റനിരയുടെ മികവില്‍ അത്‌ലാന്റയും ചാമ്പ്യന്‍സ് ലീഗിലെ തുടക്കം ഗംഭീരമാക്കി. അത്‌ലറ്റികോ മാഡ്രിഡെന്ന ഇറ്റാലിയന്‍ കരുത്തരെയാണ് ബയേണ്‍ തകര്‍ത്തുവിട്ടത്. അത്‌ലാന്റയുടെ ഉശിരന്‍ ജയം മിഡിലാന്റിനെതിരെയായിരുന്നു. ആദ്യമത്സരത്തില്‍ ബയേണിനായി കിംഗ്സ്ലി കോമാന്‍ 28-ാം മിനിറ്റില്‍ത്തന്നെ അത്‌ലറ്റിക്കോയുടെ വലചലിപ്പിച്ചു. ലിയോണ്‍ ഗൊരേന്‍സ്‌കാ 41-ാം മിനിറ്റില്‍ രണ്ടാം ഗോള്‍ നേടി. രണ്ടാം പകുതിയില്‍ 72-ാം മിനിറ്റില്‍ തന്റെ രണ്ടാം ഗോളോടെ കോമാന്‍ ടീമിന് 3-0ന്റെ ലീഡ് നല്‍കി. കൊറന്റീന്‍ ടോളിസ്സോ 66-ാം മിനിറ്റില്‍ ബയേണിനായി നാലാം ഗോളും സ്വന്തമാക്കി അത്‌ലറ്റികോയുടെ പതനം പൂര്‍ണ്ണമാക്കി.

രണ്ടാം മത്സരത്തില്‍ അത്‌ലാന്റയ്‌ക്കായി 26-ാം മിനിറ്റില്‍ ദുവാന്‍ സെപാറ്റയാണ് ആദ്യഗോള്‍ നേടിയത്. അലെക്‌സാന്ദ്രോ ഗോമസ് 36-ാം മിനിറ്റിലും ലീയിസ് ഫ്രൂട്ടോ 42-ാം മിനിറ്റിലും അലെക്‌സി മിരാന്‍ചുക് 88-ാം മിനിറ്റിലും ഗോളുകള്‍ നേടി.