സാംസംഗ് ചെയർമാൻ ലീ കുൻ–ഹീ അന്തരിച്ചു 

കൊറിയ: സാംസംഗ് ഇലക്ട്രോണിക്‌സ് ചെയർമാൻ ലീ കുൻ ഹി അന്തരിച്ചു. എഴുപത്തിയെട്ട്  വയസായിരുന്നു. ഇന്ന് പുലർച്ചെയോടെയാണ് മരണം സംഭവിച്ചത്. കൊറിയയിലെ സിയോളിലെ വീട്ടിലായിരുന്നു അന്ത്യം. ഏറെ നാളായി ചികിത്സയിലായിരുന്നു.

കൊറിയൻ സ്ഥാപനമായ സാംസംഗ് ഇലക്ട്രോണിക്‌സിനെ ലോകജനതയുടെ മുന്നിൽ എത്തിച്ചത് ലീ കുൻ ഹി ആയിരുന്നു. 1987 മുതൽ 98 വരെ സാംസംഗ് ചെയർമാനായും, 1998 മുതൽ 2008 വരെ സിഇഒയും ചെയർമാനുമായും, 2010 മുതൽ 2020 വരെ ചെയർമാനായും സ്ഥാനം വഹിച്ചിരുന്ന ലീ കൊറിയയിലെ ഏറ്റവും  സമ്പന്നായ വ്യക്തികൂടിയാണ്.

2014ൽ സംഭവിച്ച ഹൃദയാഘാതത്തെ തുടർന്ന് ഏറെ നാളായി കിടപ്പിലായിരുന്ന ലീ കുൻ ഹിക്ക് ശേഷം മകൻ ലീ ജാ യോങ്ങാണ് കമ്പനിയുടെ വൈസ് ചെയർമാനായി പ്രവർത്തിക്കുന്നത്.