തിരുവനന്തപുരം: വാളയാര്‍ പെണ്‍കുട്ടികളുടെ അമ്മ ഒരുവര്‍ഷം മുന്‍പ് മുഖ്യമന്ത്രിക്ക് നല്‍കിയ നിവേദനത്തിന് മറുപടി ലഭിച്ചു. കേസില്‍ വീഴ്ച വരുത്തിയവര്‍ക്കെതിരെ നടപടിയെടുക്കുമെന്നാണ് സർക്കാർ നൽകിയ മറുപടിയിൽ വ്യക്തമാക്കുന്നത്.
രണ്ടു പെണ്‍മക്കളുടെ മരണത്തില്‍ നീതി തേടി വാളയാറിലെ മാതാപിതാക്കള്‍ സമരം നടത്തുകയാണ്. ഒരാഴ്ചയായി നടത്തുന്ന സമരത്തിന് വലിയ ജനപിന്തുണയാണ് ലഭിച്ചത്. ബിജെപി, കോൺഗ്രസ് രാഷ്‌ട്രീയ നേതാക്കളും നേരിട്ടെത്തി സമരത്തിന് പിന്തുണ പ്രഖ്യാപിച്ചിരുന്നു.
വാളയാർ സംഭവത്തിലെ സർക്കാരിന്റെ വീഴ്ച തുറന്നുകാട്ടുന്നതായിരുന്നു സമരം. സിപിഎമ്മിനെതിരെ ആരോപണം ശക്തമായിരുന്നു. അതേ സമയം സർക്കാരിന്റെ കത്ത് കാപട്യമാണെന്നു സമരസമിതി പ്രതികരിച്ചു. കേസന്വേഷണം അട്ടിമറിച്ച ഉദ്യോഗസ്ഥർക്ക് പ്രമോഷൻ നൽകിയതായും പരാതി ഉയർന്നിരുന്നു.
Comments