തിരുവനന്തപുരം : ദേശീയ വിദ്യാഭ്യാസനയത്തെ പിന്തുണച്ച് കൊണ്ട് മൈ എൻ.ഇ.പി കേരളയുടെ ആഭിമുഖ്യത്തിൽ മഹാറാലി നടത്തുന്നു. കൊറോണയുടെ പശ്ചാത്തലത്തിൽ മഹാ വെബ് റാലിയായാണ് പരിപാടി നടത്തുന്നത്. ദേശീയ വിദ്യാഭ്യാസ നയത്തിന്റെ കാതലായ ആശയങ്ങൾ ജനങ്ങളിൽ എത്തിക്കുക എന്ന ഉദ്ദേശ്യത്തോടെയാണ് വെബ് റാലി നടത്തുന്നത്. നവംബർ ആറിന് 2:30 മുതൽ 3:30 വരെയായിരിക്കും റാലി നടക്കുക.
കേരളത്തിലെ ജനങ്ങളിൽ തെറ്റിദ്ധാരണ പടർത്താനും ഔദ്യോഗിക സംവിധാനങ്ങളെ രാഷ്ട്രീയ പ്രചാരണത്തിനുള്ള വേദിയാക്കാനുമുള്ള ശ്രമങ്ങൾ നടക്കുന്ന സാഹചര്യത്തിലാണ് മാഹാറാലി സംഘടിപ്പിക്കുന്നത്. റാലി കേന്ദ്ര വിദ്യാഭ്യാസമന്ത്രി രമേഷ് പൊഖ്രിയാൽ ഉദ്ഘാടനം ചെയ്യും. പ്രജ്ഞാപ്രവാഹ് ദേശീയ സംയോജകൻ ജെ.നന്ദകുമാർ , കേന്ദ്രവിദേശകാര്യ സഹമന്ത്രി വി .മുരളീധരൻ എന്നിവർ ചടങ്ങിൽ പങ്കെടുക്കും.
വിവിധ ദേശീയ വിദ്യാഭ്യാസ സ്ഥാപനങ്ങളുടെ പ്രതിനിധികളും സർവ്വകലാശാല വൈസ് ചാൻസിലർമാരും സാംസ്കാരിക രംഗത്തെ പ്രമുഖ വ്യക്തികളും ചടങ്ങിൽ അതിഥികളാകും. പുതിയ വിദ്യാഭാസ നയത്തിലൂടെ നവകേരളം എന്നതാണ് വെബ് റാലിയുടെ മുഖ്യപ്രമേയം.
