അമേരിക്കൻ പ്രസിഡന്റ് തെരഞ്ഞെടുപ്പ്: അധികാരം കയ്യിലെത്തിയാൽ ആദ്യം ചെയ്യുന്ന തീരുമാനം പ്രഖ്യാപിച്ച് ബൈഡൻ

വാഷിംഗ്ടൺ: അമേരിക്കയിൽ തെരഞ്ഞെടുപ്പ് ഫലം പുറത്ത് വരാനിരിക്കെ വിജയിച്ചാൽ താൻ ആദ്യം നടപ്പിലാക്കുന്ന തീരുമാനം പ്രഖ്യാപിച്ച് ഡെമൊക്രാറ്റിക് സ്ഥാനാർത്ഥി ജോ ബൈഡൻ. ഡോണാൾഡ് ട്രംപിന്റെ തെറ്റായ തീരുമാനങ്ങൾ തിരുത്തുമെന്നും പാരീസ് ഉടമ്പടിയിൽ നിന്ന് പിന്മാറിയ നടപടി റദ്ദാക്കുമെന്നും ബൈഡൻ പ്രഖ്യാപിച്ചു. 77 ദിവസത്തിനുള്ളിൽ ഉടമ്പടിയിലേക്ക് തിരിച്ച് കടക്കുമെന്നും അദ്ദേഹം ട്വീറ്റ് ചെയ്തു.

Today, the Trump Administration officially left the Paris Climate Agreement. And in exactly 77 days, a Biden Administration will rejoin it. https://t.co/L8UJimS6v2

— Joe Biden (@JoeBiden) November 5, 2020

അതേസമയം തെരഞ്ഞെടുപ്പിന്റെ വിശ്വാസം നഷ്ടപ്പെട്ടെന്നും തപാൽ വോട്ടിൽ വ്യാപകമായി കള്ളവോട്ട് നടന്നെന്നും ട്രംപ് ആരോപിച്ചു. ഇക്കാര്യം ചൂണ്ടിക്കാട്ടി ട്രംപ് സുപ്രീം കോടതിയെ സമീപിച്ചു. ഇതോടെ തെരഞ്ഞെടുപ്പിന്റെ ഫല പ്രഖ്യാപനം വൈകുമെന്നാണ് സൂചന.

ഇതുവരെയുള്ള ഇലക്ട്രിക്ക് വോട്ടുകളുടെ എണ്ണത്തിൽ ബൈഡന് 243 വോട്ടുകളും ട്രംപിന് 214 വോട്ടുകളുമാണ് ലഭിച്ചത്. അമേരിക്കയുടെ 120 വർഷത്തെ തെരഞ്ഞെടുപ്പ് ചരിത്രത്തിൽ 66.9 ശതമാനത്തോടെ ഏറ്റവുമധികം പേർ വോട്ട് രേഖപ്പെടുത്തിയത് ഈ വർഷമാണെന്ന് ഇലക്ഷൻ കമ്മീഷൻ അറിയിച്ചു.