മുംബൈ: ഇന്ത്യൻ ഓഹരി വിപണിയില്‍ മുന്നേറ്റം. നിഫ്റ്റി 12,422ന് മുകളിലും സെന്‍സെക്‌സ് 572 പോയന്റ് നേട്ടത്തിലും എത്തി. യുഎസ് പ്രസിഡന്റ് തിരഞ്ഞെടുപ്പിന്റെ ഫലം പുറത്ത് വന്നതും ഓഹരി വിപണിയുടെ ഉണര്‍വിന് കാരണമായി.
സെന്‍സെക്‌സ് 572 പോയന്റ് ഉയര്‍ന്ന് 42,465ലും നിഫ്റ്റി 159 പോയന്റ് നേട്ടത്തില്‍ 12,422 ലുമാണ് വ്യാപാരം നടക്കുന്നത്. ബിഎസ്ഇയിലെ 1115 കമ്പനികളുടെ ഓഹരികള്‍ നേട്ടത്തിലാണ്. 51 ഓഹരികള്‍ക്ക് മാറ്റമില്ല. എല്ലാ വിഭാഗം സൂചികകളും മികച്ച നേട്ടം കൈവരിച്ചു.
ഐസിഐസിഐ ബാങ്ക്, ഇന്‍ഫോസിസ്, എച്ച്‌സിഎല്‍ ടെക്, പവര്‍ഗ്രിഡ് കോര്‍പ്, ടെക് മഹീന്ദ്ര, ആക്‌സിസ് ബാങ്ക്, ഹിന്ദുസ്ഥാന്‍ യുണിലിവര്‍, മാരുതി, എച്ച്ഡിഎഫ്‌സി ബാങ്ക്, ടാറ്റ സ്റ്റീല്‍, റിലയന്‍സ്, ടിസിഎസ്, ഐടിസി, ഏഷ്യന്‍ പെയിന്റ്‌സ്, എന്‍ടിപിസി, എച്ച്ഡിഎഫ്‌സി, എസ്ബിഐ തുടങ്ങിയ ഓഹരികളാണ് നേട്ടമുണ്ടാക്കിയത്.
Comments