മഹാഗണപതിയുടെയും , ഭദ്രകാളിയുടെയും ചിത്രങ്ങൾ അടിവസ്ത്രങ്ങളിൽ ആലേഖനം ചെയ്തു ; ആമസോണിനെതിരെ ഹൈന്ദവരോഷം ശക്തം

ന്യൂഡൽഹി : ഹൈന്ദവ വിശ്വാസങ്ങളെ ആക്ഷേപിച്ച് ഇ-കൊമേഴ്​സ്​ ഭീമൻ ആമസോൺ . ഹൈന്ദവ ദൈവങ്ങളുടെ ചിത്രങ്ങൾ ആലേഖനം ചെയ്ത ഡോർമാറ്റുകളും അടിവസ്​ത്രങ്ങളുമാണ് ആമസോൺ വില്പനയ്‌ക്ക് വച്ചത്.

ഹൈന്ദവ വിശ്വാസങ്ങളെ ചവിട്ടിമെതിക്കും വിധത്തിൽ ഉത്പന്നങ്ങള്‍ സൈറ്റില്‍ വില്‍പ്പനക്ക് വെച്ചത് ഹിന്ദു വികാരം വ്രണപ്പെടുത്തുന്നവയാണെന്ന്​ ചൂണ്ടിക്കാട്ടി പ്രതിഷേധം ഉയർന്നിട്ടുണ്ട്. ശ്രീ മഹാഗണപതി , ശ്രീ ഭദ്രകാളി ,സീതാദേവി എന്നിവരുടെ ചിത്രങ്ങളാണ് അടിവസ്ത്രങ്ങളിൽ ആലേഖനം ചെയ്തിരിക്കുന്നത് . ഓം എന്ന മന്ത്രമാണ് ഡോർമാറ്റുകളിൽ ആലേഖനം ചെയ്തിരിക്കുന്നത്.

ഇതേ തുടർന്ന് ‘ ബോയ്കോട്ട് ആമസോണ്‍’ ഹാഷ് ടാഗോടെ നൂറുകണക്കിന്​ പോസ്റ്റുകളാണ്​ ട്വിറ്ററിൽ പ്രചരിക്കുന്നത്​. ‘ ഹിന്ദു ദൈവങ്ങളെ അപമാനിച്ചതിന്​ ആമസോൺ ഞാൻ ബഹിഷ്​കരിക്കുന്നു’വെന്ന് പ്രസ്താവിച്ച് ഹൈന്ദവ രോഷവും ഉയരുന്നുണ്ട്.