മ്യൂണിച്ച്: ചാമ്പ്യന്സ് ലീഗ് ഗ്രൂപ്പ് എ പോരാട്ടത്തില് നിലവിലെ ചാമ്പ്യന്മാര്ക്ക് മികച്ച ജയം.ഗ്രൂപ്പിലെ അഞ്ചാം മത്സരത്തില് ബയേണ് മ്യൂണിച്ച് ഒന്നിനെതിരെ മൂന്ന് ഗോളുകള്ക്ക് ആര്.ബി.സാല്സ്ബര്ഗിനെയാണ് തോല്പ്പിച്ചത്.
കളിയുടെ ഇരുപകുതിയിലുമായാണ് ബയേണിന്റെ ഗോള്. 42-ാം മിനിറ്റില് സ്റ്റാര് സട്രൈക്കര് റോബര്ട്ട് ലെവന്ഡോവ്സ്കിയാണ് ഗോളിന് തുടക്കമിട്ടത്. രണ്ടാം പകുതിയുടെ തുടക്കത്തില് കിംഗ്സ്ലി കോമനും ഗോള് നേടി. 52-ാം മിനിറ്റിലാണ് ബയേണിന്റെ രണ്ടാം ഗോള് പിറന്നത്. 68-ാം മിനിറ്റില് ലെറോയ് സാനേയും ബയേണിനായി മൂന്നാം ഗോളും നേടി. ഇതിനിടെ 66-ാം മിനിറ്റില് മാര്ക് റോക്ക ചുവപ്പുകാര്ഡു കണ്ട ശേഷം ഉണര്ന്നു കളിച്ച സാല്സ് ബര്ഗ് 73-ാം മിനിറ്റില് ആശ്വാസ ഗോള് നേടി.
ബയേണിന്റെ ആറാം മത്സരം ഡിസംബര് പത്തിന് ലോകോമോട്ടീവ് മോസ്കോവിനെതിരെയാണ്. അന്നുതന്നെ സാല്സ്ബര്ഗ് അത്ലറ്റികോ മാഡ്രിഡിനേയും നേരിടും.
Comments