ന്യൂഡല്‍ഹി: ഇന്ത്യ ബ്രിട്ടണ്‍ സഹകരണം പ്രതിരോധ മേഖലയില്‍ ശക്തമാകുന്നു. പെസഫി ക്കിലെ ക്വാഡ് സഖ്യത്തിലെ നിര്‍ണ്ണായകമായ ഇന്ത്യയ്‌ക്കൊപ്പം സഹകരിക്കുമെന്ന് ബ്രിട്ടണ്‍ അറിയിച്ചു. ഇന്നലെ ഇന്ത്യയിലെത്തിയ ബ്രിട്ടീഷ് വിദേശകാര്യ സെക്രട്ടറിയാണ് സൂചന നല്‍കിയത്. പ്രധാനമന്ത്രി നരേന്ദ്രമോദിയുമായിട്ടാണ് ഡോമിനിക് റാബ് കൂടിക്കാഴ്ച നടത്തിയത്.
പെസഫിക് മേഖലയിലെ ചൈനയുടെ കടന്നുകയറ്റത്തെ പ്രത്യേകം പരാമര്‍ശിച്ചുകൊണ്ടാണ് റാബ് സംസാരിച്ചത്. മേഖലയിലെ പ്രതിരോധ രംഗത്തെ എല്ലാ സാദ്ധ്യതകളും സുഹൃദ് രാജ്യങ്ങളുമൊത്ത് ഉപയോഗപ്പെടുത്തുമെന്നും റാബ് വ്യക്തമാക്കി. ഇതനൊപ്പം മേഖലയിലെ രാജ്യങ്ങളായ വിയറ്റ്‌നാം, ജപ്പാന്‍, ഓസ്‌ട്രേലിയ എന്നിവരുമായുള്ള വ്യാപാര പങ്കാളിത്തം ശക്തമാക്കുമെന്നും റാബ് വ്യക്തമാക്കി.
ഇന്ത്യന്‍ വിദേശകാര്യ മന്ത്രി എസ്.ജയശങ്കറുമായി കൂടിക്കാഴ്ച നടത്തിയ ഡോമിനിക് റാബ് വ്യാപാര പങ്കാളിത്തവുമായി ബന്ധപ്പെട്ട പത്തുവര്‍ഷത്തെ പദ്ധതി രൂപീകരണ ചര്‍ച്ച നടത്തി. ഒപ്പം മദ്യ വ്യാപാരി വിജയ് മല്യ കേസ്സില്‍ ഇന്ത്യക്ക് അനുകൂലമായ നിലപാട് കോടതി വിധിക്കനുസരിച്ചെടുക്കുമെന്നും റാബ് ഉറപ്പുനല്‍കി.
Comments