ഡ്യൂട്ടി അടയ്‌ക്കാൻ പണമില്ലാതെ നിന്ന എനിക്കായി പണം അടച്ച മണിച്ചേട്ടൻ, നിങ്ങളാണെന്റെ സൂപ്പർസ്റ്റാർ ; ഉണ്ണി മുകുന്ദൻ

തിരുവനന്തപുരം ; നടൻ കലാഭാവൻ മണിയുടെ ജന്മദിനത്തോടനുബന്ധിച്ച് മനസ്സ് നിറയുന്ന ഓർമ്മകളുമായി നടൻ ഉണ്ണി മുകുന്ദൻ .ആദ്യമായും അവസാനമായും മണിയുമായി നടത്തിയ കൂടിക്കാഴ്ചയുടെ അനുഭവമാണ് ഉണ്ണി പങ്കുവച്ചിരിക്കുന്നത്.

തന്റെ ആദ്യ മലയാള ചിത്രം റിലീസ് ചെയ്തതിനെത്തുടർന്ന് ഇന്ത്യക്ക് പുറത്തുള്ള ഒരു ചടങ്ങിൽ പങ്കെടുക്കാൻ ക്ഷണം ലഭിച്ചിരുന്നുവെന്നും, തിരികെ വരുമ്പോൾ അവിടുത്തെ കുടുംബങ്ങൾ കൈനിറയെ സമ്മാനങ്ങളുമായി വന്നുവെന്നും ഉണ്ണി മുകുന്ദൻ ഫേസ്ബുക്ക് പോസ്റ്റിൽ പറയുന്നു. സമ്മാനങ്ങളുടെ കൂട്ടത്തിൽ ഒരു വലിയ ടിവി ഉണ്ടായിരുന്നുവെങ്കിലും ആദ്യം അത് സ്വീകരിച്ചില്ല. എന്നാൽ, സുഹൃത്തുക്കളുടെയും മറ്റും നിർബന്ധത്തിനു മുന്നിൽ അത് സ്വീകരിക്കാൻ സമ്മതിക്കുകയായിരുന്നു. പക്ഷേ, കേരളത്തിലെത്തിയപ്പോൾ കസ്റ്റംസ് ഓഫീസർമാർ ഡ്യൂട്ടി ഫീസ് അടയ്‌ക്കാൻ ആവശ്യപ്പെട്ടു – ഉണ്ണി മുകുന്ദൻ ഫേസ് ബുക്ക് പോസ്റ്റിൽ പറയുന്നു .

ആ സമയത്ത് തനിക്ക് ചിന്തിക്കാൻ പോലും കഴിയാത്ത തുകയാണ് അവർ ആവശ്യപ്പെട്ടതെന്നും, പണമില്ലാത്തതിനാൽ അത് അവർ തന്നെ പിടിച്ചെടുക്കുന്നതാണ് നല്ലതെന്നും താൻ അവരോട് പറഞ്ഞതായി ഉണ്ണി മുകുന്ദൻ പറയുന്നു . എന്നാൽ അതു പറഞ്ഞ് തിരിയുമ്പോഴേക്കും ആരോ തന്റെ പേര് ഡാ ഉണ്ണിയേ,,,,,,,,,, എന്ന് വിളിക്കുന്നതായി കേട്ടു.

ആ ശബ്ദം മണിയുടേതായിരുന്നു . അദ്ദേഹം അടുത്തുവന്ന് തോളിൽ കൈ വച്ചു, അവിടെ അടയ്‌ക്കാൻ പക്കൽ പണമില്ലെന്ന് അദ്ദേഹത്തോട് പറഞ്ഞു. അദ്ദേഹം കെട്ടിപ്പിടിച്ചു പറഞ്ഞു, അത് അടയ്‌ക്കേണ്ട എന്നിട്ട് തന്നെ ഒരു വശത്തേക്ക് തള്ളിമാറ്റി, മറ്റുള്ളവരോടൊപ്പം പോയി നിൽക്കാൻ ആവശ്യപ്പെട്ടു. പിന്നീട് കാണുന്നത്. ടിവിയുമായി വരുന്ന മണി ചേട്ടന്റെ പുഞ്ചിരിക്കുന്ന മുഖമാണ്.

അദ്ദേഹം കെട്ടിപ്പിടിച്ച് ഒരു കൈ കുലുക്കി, അത് തന്റെ കൈത്തണ്ട ഏതാണ്ട് തകർത്തു, എന്നാൽ ഏറ്റവും ശക്തമായ കൈകളുണ്ടെന്നും എന്നാൽ ഹൃദയത്തിലെ ഏറ്റവും മധുരമുണ്ടെന്നും അപ്പോൾ തിരിച്ചറിഞ്ഞുവെന്നും ഉണ്ണി മുകുന്ദൻ കുറിച്ചു.

‘ മണി ചേട്ടൻ സ്വന്തം പൈസ കൊണ്ട് അതിന്റെ ഫീസ് അടച്ചിരിക്കുന്നു. .ഇതു പോലെ ധാരാളം പേർക്ക് ആ മനുഷ്യനെക്കുറിച്ച് പറയാൻ ഇതുപോലെ നിരവധി കഥകളും ഓർമ്മകളും ഉണ്ടാകും.ഐ മിസ് യു ഏട്ടാ! നിങ്ങൾ എവിടെയായിരുന്നാലും, നിങ്ങളാണെന്റെ സൂപ്പർസ്റ്റാർ‘ – ഇത്തരത്തിലാണ് ഉണ്ണി മുകുന്ദന്റെ ഫേസ്ബുക്ക് പോസ്റ്റ്.