കൊറോണ ; സംസ്ഥാനത്ത് മൂന്ന് ഹോട്ട് സ്‌പോട്ടുകൾ കൂടി

തിരുവനന്തപുരം : കൊറോണ വ്യാപനത്തിന്റെ പശ്ചാത്തലത്തിൽ സംസ്ഥാനത്ത് മൂന്ന് പ്രദേശങ്ങളെ കൂടി ഹോട്ട് സ്‌പോട്ടുകളുടെ പട്ടികയിൽ ഉൾപ്പെടുത്തി. തൃശ്ശൂർ, പത്തനംതിട്ട എന്നീ ജില്ലകളിലെ പ്രദേശങ്ങളെയാണ് ഹോട്ട് സ്‌പോട്ടുകളുടെ പട്ടികയിൽ ഉൾപ്പെടുത്തിയത്. തൃശൂർ ജില്ലയിലെ മറ്റത്തൂർ (കണ്ടെൻമെന്റ് സോൺ വാർഡ് 9), പത്തനംതിട്ട ജില്ലയിലെ മലയാലപുഴ (സബ് വാർഡ് 7), തോട്ടപ്പുഴശേരി (സബ് വാർഡ് 1, 2, 6) എന്നിവയാണ് പുതിയ ഹോട്ട് സ്പോട്ടുകൾ.

ഇന്ന് 9 പ്രദേശങ്ങളെ ഹോട്ട് സ്പോട്ടിൽ നിന്നും ഒഴിവാക്കി. നിലവിൽ ആകെ 440 ഹോട്ട് സ്പോട്ടുകളാണുള്ളത്.