ന്യൂഡൽഹി: കേന്ദ്ര ബജറ്റിനെ പ്രശംസിച്ച് പ്രധാനമന്ത്രി നരേന്ദ്ര മോദി. അസാധാരണമായ സാഹചര്യത്തിനിടെയാണ് കേന്ദ്ര ബജറ്റ് അവതരിപ്പിച്ചതെന്ന് അദ്ദേഹം പറഞ്ഞു. ഇന്ത്യയുടെ ആത്മവിശ്വാസം വ്യക്തമാക്കുന്ന ബജറ്റാണ് ധനമന്ത്രി അവതരിപ്പിച്ചതെന്നും പ്രധാനമന്ത്രി പ്രതികരിച്ചു.
സ്വയം പര്യാപതതയിലൂന്നിയ ബജറ്റ് സമൂഹത്തിലെ എല്ലാ വിഭാഗം ജനങ്ങൾക്കും ഒരുപോലെ പ്രയോജനപ്രദമാണ്. കർഷകരുടെ വരുമാനം വർധിപ്പിക്കുന്നതിനാണ് ബജറ്റിൽ മുൻഗണന നൽകിയിരിക്കുന്നത്. ഇതിനായി നിരവധി നടപടികളാണ് സ്വീകരിച്ചുവരുന്നതെന്നും കർഷകർക്ക് ഇനി വളരെ എളുപ്പം വായ്പകൾ എടുക്കാമെന്നും പ്രധാനമന്ത്രി ചൂണ്ടിക്കാട്ടി.
കൊറോണ മാനവരാശിയെ ആകമാനം ബാധിച്ചു. എന്നാൽ പ്രതികൂല സാഹചര്യത്തിൽ അവതരിപ്പിച്ച ബജറ്റ് ഇന്ത്യയുടെയും ഒപ്പം ലോകത്തിന്റെ മൊത്തം ആത്മവിശ്വാസം വർധിപ്പിക്കും. സാധാരണക്കാരന് മേൽ നികുതി ഭാരം അടിച്ചേൽപ്പിക്കപ്പെടും എന്നാണ് ചിലർ ധരിച്ചത്. എന്നാൽ അതുണ്ടായില്ലെന്നും സുതാര്യതമായ ബജറ്റിലാണ് ശ്രദ്ധ കേന്ദ്രീകരിച്ചതെന്നും പ്രധാനമന്ത്രി വ്യക്തമാക്കി.
Comments