കൊറോണയുടെ രണ്ടാംവരവ് ലോകത്ത് ആകമാനം ഭീഷണിയായി മാറിയിരിക്കുകയാണ്. വാക്സിന് കണ്ടെത്തിയെങ്കിലും അത് സ്വീകരിക്കുന്നവരുടെ എണ്ണത്തില്‍ കുറവുണ്ട്. കഴിഞ്ഞ ദിവസങ്ങളില്‍ രാജ്യത്ത് ഉള്‍പ്പെടെ വാക്സിനേഷന്‍ നടപടികള്‍ വേഗത്തിലാക്കിയിട്ടുണ്ട്.
ഇത്തരമൊരു പ്രതികൂല സാഹചര്യത്തില്‍ വാക്സിനേഷന്‍ കേന്ദ്രങ്ങള്‍ കണ്ടെത്താന്‍ ഗൂഗിള്‍ മാപ്പ് അവസരമൊരുക്കുന്നതായി അധികൃതര്‍ അറിയിച്ചു. ഗൂഗിള്‍ മാപ്പിൽ പരിശോധിച്ചാല്‍ വാക്സിനേഷന്‍ സെന്ററുകളുടെ ലൊക്കേഷന്‍ കണ്ടെത്താനാവുന്ന ക്രമീകരണം വികസിപ്പിക്കുമെന്ന് ഗൂഗിള്‍ പ്രഖ്യാപിച്ചു. നിങ്ങള്‍ വാക്സിനേഷന്‍ കേന്ദ്രത്തിനടുത്താണെങ്കില്‍ ഇക്കാര്യം ഗൂഗിള്‍ മാപ്പിലൂടെ കണ്ടെത്താനാവുന്ന വിധത്തിലാണ് സംവിധാനം ഏര്‍പ്പെടുത്തുന്നത്.
യുഎസ്, കാനഡ, ഫ്രാന്‍സ്, ചിലി, ഇന്ത്യ, സിംഗപ്പൂര്‍ എന്നിവയുള്‍പ്പെടെ കൊറോണ കൂടുതല്‍ ബാധിച്ച രാജ്യങ്ങളില്‍ ഗൂഗിള്‍ മാപ്പ് ഫീച്ചര്‍ അവതരിപ്പിക്കും.ആവശ്യമുള്ള രാജ്യങ്ങളിലെ 250,000 പേര്‍ക്ക് പ്രതിരോധ കുത്തിവയ്പ്പിന് ധനസഹായം നല്‍കുമെന്നും ഗൂഗിള്‍ ചീഫ് ഹെല്‍ത്ത് ഓഫിസര്‍ കാരെന്‍ ഡിസല്‍വോ പറഞ്ഞു. ‘പകര്‍ച്ചവ്യാധിയെ മറികടക്കാന്‍ ആഗോളതലത്തില്‍ ഏകോപിത ശ്രമം ആവശ്യമാണ്. ഞങ്ങളുടെ പങ്ക് നിര്‍വഹിക്കുന്നതിന് ആവശ്യമുള്ള രാജ്യങ്ങള്‍ക്ക് 250,000 പ്രതിരോധ കുത്തിവയ്പ്പുകള്‍ നല്‍കുമെന്നും യുഎസിലെ പോപ്പ്അപ്പ് വാക്സിന് സൈറ്റുകള്‍ക്ക് ധനസഹായം നല്‍കാമെന്നും പരസ്യ ഇനത്തില്‍ 250 മില്യണ്‍ ഡോളര്‍ അധികം ചെലവഴിക്കുമെന്നും ഗൂഗിള്‍ അറിയിച്ചു.
ഗൂഗിള്‍ ഓര്‍ഗ് രണ്ടര ലക്ഷം പേര്‍ക്ക് പ്രതിരോധ കുത്തിവയ്പ്പ് നല്‍കുകയും ആഗോള വിതരണം ത്വരിതപ്പെടുത്തുന്നതിന് ഗവിക്ക് പ്രോ ബോണോ സാങ്കേതിക സഹായം നല്‍കുകയും ചെയ്യുന്നു.
കൂടാതെ പരിമിതമായ ഇന്റര്‍നെറ്റ് ആക്സസ് ഉപയോഗിച്ച് വാക്സിന് ലഭിക്കുന്നുവെന്ന് ഉറപ്പാക്കാന്‍ ഗൂഗിള്‍ ക്ലൗഡ് അതിന്റെ ഇന്റലിജന്റ് വാക്സിന് ഇംപാക്റ്റ് സൊല്യൂഷന്റെ (ഐവിഐ) ഭാഗമായി ഒരു വെര്‍ച്വല്‍ ഏജന്റും തുടങ്ങുന്നുണ്ട്. ഏറ്റവും പുതിയ സാങ്കേതികവിദ്യ ഉപയോഗിച്ച്, ആളുകള്‍ക്ക് വാക്സിന് കൂടിക്കാഴ്ചകള്‍ ബുക്ക് ചെയ്യാനും വെര്‍ച്വല്‍ ഏജന്റ് മുഖേന ചാറ്റ്, ടെക്സ്റ്റ്, വെബ്, മൊബൈല്‍ ഫോണിലൂടെ 28 ഭാഷകളിലും ചോദ്യങ്ങള്‍ ചോദിക്കാനും കഴിയും.
Comments