ശ്രീനഗര്‍: ഇന്നലെ രാത്രിയിലും ഇന്ന് പുലര്‍ച്ചയുമായി ജമ്മുകശ്മീര്‍ പോലീസ് സംഘത്തിന് നേരെ നടന്ന ആക്രമണം ഭീകരരുടേതെന്ന് പോലീസ് കണ്ടെത്തി. ആര്‍ക്കും അപകടം പറ്റാതിരുന്ന ആക്രമണം നടന്ന സ്ഥലം പോലീസ് ഇന്ന് നടത്തിയ പരിശോധനയിലാണ് ഭീകരാക്രമണമാണെന്ന് സ്ഥിരീകരിച്ചത്.
ജമ്മുകശ്മീരിലെ നാദ് മേഖലയിലെ സാംബാ ദജില്ലയിലെ നാദ് എന്ന പ്രദേശത്തുവെച്ചാണ് പോലീസ് പട്രോളിംഗ് സംഘത്തിന് നേരെ ആക്രമണം നടന്നത്. രാത്രിയില്‍ വാഹനവ്യൂഹത്തിന് നേരെയാണ് ആക്രമണം നടന്നത്. വലിയ സഫോടനം ഉണ്ടായെങ്കിലും ആര്‍ക്കും പരിക്കേറ്റില്ല. സാംബാ-മന്‍സാര്‍ റോഡിലൂടെ സഞ്ചരിക്കുമ്പോഴാണ് അപകടം. ഗ്രനേഡ് എറിഞ്ഞത് ലക്ഷ്യംതെറ്റി ഒരു മതിലില്‍ പതിച്ചാണ് സ്ഫോടനം നടന്നതെന്നും പോലീസ് സംഘം വെളിപ്പെടുത്തി. തുടര്‍ന്ന് ഇന്ന് പകല്‍വെളിച്ചത്തില്‍ സൈന്യവും പോലീസും സംയുക്തമായി നടത്തിയ പരിശോധനയിലാണ് ഗ്രനേഡുകളും അവശിഷ്ടങ്ങളും കണ്ടെത്തിയത്.
Comments