മിക്ക ആളുകളും പാകം ചെയ്യുന്ന ഒരു ഭക്ഷണമാണ് ചപ്പാത്തി രാവിലെ ആയാലും രാത്രിയില്‍ ആയാലും മിക്ക ആളുകളും കഴിക്കാന്‍ ഇഷ്ടപ്പെടുന്ന ഒരു വിഭവം കൂടിയാണിത്. സാധാരണയായി ചപ്പാത്തി പരത്തിയ ശേഷം കല്ലിലോ തവയിലോ വെച്ച് ചുട്ടെടുക്കുകയാണ് ചെയ്യുക. എന്നാല്‍ ഇനി അവ ഇല്ലാതെ പ്രഷര്‍കുക്കറില്‍ ചപ്പാത്തി എങ്ങനെ പാകം ചെയ്യാം എന്ന് കാണിച്ചു കൊണ്ടുള്ള ഒരു യുവതിയുടെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്.
ഇതിനായി ആദ്യം അവര്‍ സ്റ്റൗ കത്തിച്ച് അതിനു മുകളില്‍ ഒരു പ്രഷര്‍കുക്കര്‍ വെച്ചിരിക്കുന്നു. പിന്നീട് റോളിംഗ് ബോര്‍ഡ് ഉപയോഗിച്ച് ചപ്പാത്തി പരത്തി വെച്ച ശേഷം മൂന്നു ചപ്പാത്തി ഒരുമിച്ച് പ്രഷര്‍കുക്കറില്‍ ഇട്ട് മൂടിവയ്‌ക്കുന്നു. രണ്ട് മിനിറ്റിനു ശേഷം കുക്കര്‍ തുറന്ന് ചപ്പാത്തി പുറത്തെടുക്കുന്നു.ഈ സമയം കൊണ്ട് ചപ്പാത്തി നന്നായി പാകമായി കഴിഞ്ഞു.
ഇതാണ് വീഡിയോയില്‍ യുവതി കാണിക്കുന്നത്. സാധാരണ അടുപ്പില്‍ പാകംചെയ്യുന്ന ചപ്പാത്തിയും പ്രഷര്‍കുക്കറില്‍ പാകംചെയ്ത ചപ്പാത്തിയും കാണാന്‍ ഏകദേശം ഒരുപോലെ ആയിരിക്കും. ഒറ്റയ്‌ക്ക് താമസിക്കുന്ന ആളുകള്‍ക്ക് ഒരേ സമയം മൂന്ന് നാല് ചപ്പാത്തികള്‍ ഒരേ സമയം പെട്ടെന്ന് ഉണ്ടാക്കിയെടുക്കാന്‍ എളുപ്പമാണ്. അത്തരക്കാര്‍ക്ക് തീര്‍ച്ചയായും ഉപകാരപ്രദമായ ഒരു ടിപ്പാണിത്.
Comments