ഫ്രഞ്ച് ഓപ്പണിനിടെ വിവാദം; നവോമി ഒസാകയ്‌ക്ക് പിഴ; മാദ്ധ്യമങ്ങളെ അഭിമുഖീകരിക്കണമെന്ന് നിർദ്ദേശം

പാരീസ്: ഫ്രഞ്ച് ഓപ്പൺ ആരംഭിച്ചതോടെ വിവാദങ്ങളും അരങ്ങേറുന്നു. ജപ്പാൻ താരം നവോമി ഒസാകയാണ് വിവാദത്തിൽപെട്ടിരിക്കുന്നത്. മാദ്ധ്യമങ്ങളെ കാണില്ലെന്ന് തീരുമാനിച്ച താരത്തിന്റെ നടപടിയെ സംഘാടകർ വിമർശിച്ചു. മത്സരത്തിൽ നിന്നും വിലക്കുമെന്ന കർശന മുന്നറിയിപ്പാണ് ഫ്രഞ്ച് ഓപ്പൺ അധികൃതർ നൽകുന്നത്. താരത്തിന്റെ വിവാദ നടപടി കാരണം പിഴയൊടുക്കാനും അധികൃതർ ആവശ്യപ്പെട്ടിരിക്കുകയാണ്.

ഫ്രഞ്ച് ഓപ്പൺ ഒരു ഗ്രാൻഡ് സ്ലാമാണ്. അതിന്റെ പെരുമാറ്റചട്ടം പാലിക്കാൻ എല്ലാ താര ങ്ങൾക്കും ബാദ്ധ്യതയുണ്ട്. മാദ്ധ്യമ സമ്മേളനത്തിൽ പങ്കെടുക്കാതെ പിന്മാറിയതിന്റെ പേരിൽ ഒന്നര ലക്ഷം വരുന്ന തുക പിഴചുമത്തുകയും ചെയ്തു. ലോക ടെന്നീസിലെ ഏറ്റവും അധികം പ്രതിഫലം വാങ്ങുന്ന താരം ഇത്തവണ ആദ്യ റൗണ്ടിൽ റൊമാനിയയുടെ പെട്രീഷ്യയെ 6-4, 7-6 എന്ന സ്‌കോറിനാണ് തോൽപ്പിച്ചത്.