പാരീസ്: ഫ്രഞ്ച് ഓപ്പണില് നിന്നും പിന്മാറാനൊരുങ്ങി റോജര് ഫെഡററും. മാദ്ധ്യമ അഭിമുഖവിഷയത്തില് സംഘാടകരുമായി തെറ്റി നവോമി ഒസാക്ക പിന്മാറിയതിന് പിന്നാലെയാണ് സ്വിസ് പുരുഷതാരത്തിന്റെ സൂചന. മൂന്നാം റൗണ്ടില് ജര്മ്മനിയുടെ ഡോമിനിക് കോഫെറുമായി 7-6,6-7,7-6,7-5 എന്ന നിലയിലാണ് ഫെഡറര് മത്സരം തന്റേതാക്കിയത്. രണ്ടര മണിക്കൂറിലേറെ നീണ്ട മത്സരത്തിലാണ് നാലു സെറ്റുകളും ടൈബ്രേക്കറിലേക്ക് നീണ്ടത്.
മൂന്നാം റൗണ്ടിലെ മത്സരത്തിന് ശേഷമാണ് ഫെഡററുടെ മനംമാറ്റം. തന്റെ ലക്ഷ്യം വിംബിള്ഡണിലെ 9-ാം കിരീടമാണെന്നും ഫ്രഞ്ച് ഓപ്പണില് നിന്നും ഇടയ്ക്ക് പിന്മാറുന്നത് പോലും ചിന്തിക്കുന്നതായും താരം മാദ്ധ്യമങ്ങളോട് സൂചിപ്പിച്ചു.
രണ്ടു വര്ഷം മുമ്പ് കാല്മുട്ടിലെ ശസ്ത്രക്രിയക്ക് ഫെഡറര് വിധേയനായിരുന്നു. വിശ്രമത്തിന് ശേഷം ആകെ മൂന്ന് ടൂര്ണ്ണമെന്റില് മാത്രമാണ് ഫെഡറര് കഴിഞ്ഞ സീസണില് കളിച്ചത്. തന്റെ 40-ാം പിറന്നാളിലേക്ക് കടക്കാന് രണ്ടുമാസം ബാക്കിനില്ക്കേ ഫ്രഞ്ച് ഓപ്പണിലെ കഠിനമായ മത്സരങ്ങള് പരിക്കേല്പ്പിക്കുമോ എന്ന ഭയം താരത്തിനുണ്ട്.
