പന്ത്രണ്ട് മണിക്കൂറിനുള്ളിൽ 25 കോടി വൃക്ഷതൈ നട്ടു ; സ്മൃതി വാടിക പദ്ധതിയും നടപ്പാക്കി ഉത്തർപ്രദേശ്

ലക്‌നൗ: വൃക്ഷതൈകൾ നട്ട് പ്രകൃതി സംരക്ഷണത്തിൽ റെക്കോഡ് നേട്ടവുമായി ഉത്തർ പ്രദേശ്. മുഖ്യമന്ത്രി യോഗി ആദിത്യനാഥിന്റെ നേതൃത്വത്തിലാണ് സംസ്ഥാന ത്തൊട്ടാകെ 25.51 കോടി വൃക്ഷ തൈകൾ നട്ടത്. ഇതിനൊപ്പം കൊറോണ ജീവൻ കവർന്നവരുടെ ഓർമ്മയ്‌ക്കായി അതാത് പ്രാദേശിക ഭരണകൂടവും മരണപ്പെട്ടവരുടെ കുടുംബാംഗങ്ങളും ചേർന്ന് വൃക്ഷതൈകൾ നട്ടു.

ഉത്തർപ്രദേശിൽ സ്മൃതി വാടിക എന്ന പേരിലാണ് കൊറോണയിൽ ജീവൻ നഷ്ടപ്പെട്ടവരെ ഓർക്കാനായി അവരുടെ പേരിൽ പൊതു സ്ഥലങ്ങളിൽ വൃക്ഷ തൈകൾ നടാൻ തീരുമാനിച്ചതെന്ന് ഉത്തർപ്രദേശ് ഭരണകൂടം പറഞ്ഞു. കഴിഞ്ഞ വർഷം 22 കോടി വൃക്ഷം നട്ട തിന്റെ റെക്കോഡാണ് ഇത്തവണ മറികടന്നത്. യോഗി സർക്കാർ അധികാരത്തിലെത്തിയ ശേഷം ഇതുവരെ സംസ്ഥാനത്ത് 100 കോടി വൃക്ഷതൈകളാണ് നട്ടതെന്നും ഭരണകൂടം അറിയിച്ചു.