കാസർകോട് : ഫാഷൻ ഗോൾഡ് തട്ടിപ്പ് കേസിൽ പ്രതിയായ ടി.കെ പൂക്കോയ തങ്ങൾ കീഴടങ്ങി. രാവിലെ ഹോസ്ദുർഗ് കോടതിയിൽ എത്തിയാണ് തങ്ങൾ കീഴടങ്ങിയത്. കഴിഞ്ഞ ഒമ്പത് മാസമായി ഇയാൾ ഒളിവിലായിരുന്നു.
കേസിലെ രണ്ടാം പ്രതിയാണ് തങ്ങൾ. ഒന്നാം പ്രതിയായ എംസി കമറുദ്ദീനെ പോലീസ് നേരത്തെ അറസ്റ്റ് ചെയ്യുകയും, കഴിഞ്ഞ ഫെബ്രുവരിയിൽ ജയിൽ മോചിതനാകുകയും ചെയ്തിരുന്നു. എന്നാൽ പിടികൂടുമെന്ന് ഭയന്ന് തങ്ങൾ ഒളിവിൽ കഴിയുകയായിരുന്നു.
ഫാഷൻ ഗോൾഡ് ഗ്രൂപ്പ് എംഡിയാണ് പൂക്കോയ തങ്ങൾ. സ്വർണ നിക്ഷേപ തട്ടിപ്പിൽ കമറുദ്ദീനും, തങ്ങൾക്കുമെതിരെ നൂറിലേറെ പരാതികളായിരുന്നു പോലീസിന് ലഭിച്ചത്. തുടർന്ന് പോലീസ് അന്വേഷണം ഭയന്ന തങ്ങൾ ഒളിവിൽ പോകുകയായിരുന്നു. കൂട്ടു പ്രതിയായ കമറുദ്ദീനെ അറസ്റ്റ് ചെയ്ത് ജയിലിൽ അടച്ചു. 93 ദിവസത്തോളം ജയിൽ വാസം അനുഭവിച്ചതിന് പിന്നാലെയാണ് കമറുദ്ദീൻ മുഴുവൻ കേസുകളിലും ജാമ്യം ലഭിച്ച് പുറത്തിറങ്ങിയത്.
Comments