ന്യൂഡൽഹി : എളമരം കരീം എംപിയ്‌ക്കെതിരെ പരാതി നൽകി രാജ്യസഭാ മാർഷൽമാർ. രാജ്യസഭാ അദ്ധ്യക്ഷനാണ് പരാതി സമർപ്പിച്ചത്. പാർലമെന്റ് ബഹളത്തിനിടെ എംപി കഴുത്തിന് പിടിച്ചുവെന്ന് പരാതിയിൽ പറയുന്നു. ബിനോയ് വിശ്വം എംപിയ്‌ക്കെതിരെയും പരാതി നൽകിയിട്ടുണ്ട്.
പാർലമെന്റിൽ സുരക്ഷ ഉറപ്പാക്കുന്നതിന് വേണ്ടിയാണ് കേന്ദ്ര സർക്കാർ മാർഷൽമാരെ നിയോഗിച്ചത്. തുടർന്ന് ഇന്നലെ ഇരുന്നൂറോളം മാർഷൽമാർ രാജ്യസഭയിലെത്തി സുരക്ഷ ഒരുക്കുകയായിരുന്നു. എന്നാൽ പ്രതിപക്ഷം വീണ്ടും പ്രതിഷേധം നടത്തിയതോടെ രാജ്യസഭാംഗങ്ങൾ മാർഷൽമാരെ ഉൾപ്പെടെ കയ്യേറ്റം ചെയ്യുകയായിരുന്നു. ഇന്ന് പുറത്തുവിട്ട റിപ്പോർട്ടിലാണ് ഇത് സംബന്ധിച്ച് കൂടുതൽ വ്യക്തത വരുത്തിയിരിക്കുന്നത്.
ഒരു മാർഷലിനെ എളമരം കരീം ശാരീരികമായി ആക്രമിച്ചു എന്ന് റിപ്പോർട്ടിൽ വ്യക്തമാക്കുന്നു. എംപി കഴുത്തിന് പിടിക്കുകയും ചെയ്തു. തുടർന്നാണ് എളമരം കരീമിനെതിരെ മാർഷർമാർ പരാതി നൽകിയത്. ബിനോയ് വിശ്വത്തിന്റെ പേരും പരാതിയിൽ പരാമർശിച്ചിട്ടുണ്ട്. ബിനോയ് വിശ്വം പേപ്പർ വലിച്ചുകീറുകയും മാർഷൽമാരെ പിടിച്ച് തള്ളുകയും ചെയ്‌തെന്നാണ് പരാതിയിൽ പറയുന്നത്. തൃണമൂൽ കോൺഗ്രസ് നേതാക്കൾ മന്ത്രിമാരെ പിടിച്ചുതള്ളി എന്നും റിപ്പോർട്ടിൽ വ്യക്തമാക്കുന്നു. ഇവർക്കെതിരെ ഉന്നതതല അന്വേഷണം നടത്തും എന്നാണ് വിവരം.
Comments