ന്യൂഡൽഹി: മൂന്നാം തരംഗത്തിന്റെ ഭീഷണി നിലനിൽക്കുന്നതിനിടെയും കൊറോണക്കെതിരായ പ്രതിരോധ കുത്തിവയ്പിൽ വീണ്ടും ഒരു കോടി മറികടന്ന് ഇന്ത്യ. രാജ്യത്ത് ഇതുവരെ നടത്തിയതിൽ വച്ച് ഏറ്റവും കൂടുതൽ കുത്തിവയ്പ്പാണ് ഇന്ന് നടന്നത്. ആദ്യ ഡോസ് സ്വീകരിച്ചവരുടെ എണ്ണം 50 കോടി പിന്നിട്ടുവെന്ന നേട്ടവും രാജ്യം സ്വന്തമാക്കി.
വെളളിയാഴ്ച 79,964 കേന്ദ്രങ്ങളിലായി നടന്ന വാക്സിനേഷനിൽ 1,21,99,599 ഡോസുകൾ കുത്തിവച്ചു. ഓഗസ്റ്റിൽ രണ്ടാം തവണയാണ് ഒരു കോടി ഡോസ് വാക്സിൻ എന്ന നേട്ടം മറികടക്കുന്നത്. ഇക്കഴിഞ്ഞ 27ന് നടന്ന 100,64,032 കുത്തിവയ്പ്പാണ് ചൊവ്വാഴ്ച മറികടന്നത്. ഇതോടെ രാജ്യത്ത് ആകെ നൽകിയ വാക്സിൻ 65,03,29,061 ആയി. ഇതിൽ 50,25,16,979 പേർ ആദ്യ ഡോസും 14,93,41,343 പേർ രണ്ടാം ഡോസും സ്വീകരിച്ചവർ ആണ്.
ഉത്തർപ്രദേശിലാണ് ഏറ്റവും കൂടുതൽ വാക്സിനേഷൻ നടന്നത്. സംസ്ഥാനത്ത് ഇതുവരെ 7,29,94,302 ഡോസ് കുത്തിവയ്പ്പ് നടത്തി. ഇതിൽ 6,13,01,029 ആദ്യ ഡോസും 1,16,93,273 രണ്ടാം ഡോസും സ്വീകരിച്ചവർ അണ്. 5,89,72,251 കുത്തിവയ്പ്പുകൾ നടത്തിയ മഹാരാഷ്‌ട്രയാണ് യുപിക്ക് പിന്നിൽ. സംസ്ഥാനത്ത് ആകെ കുത്തിവയ്പ്പ് 5,90,28,840 ആയി. ഇതിൽ 4,30,38,116 ആദ്യ ഡോസും 1,59,90,724 രണ്ടാം ഡോസുമാണ്. ഏറ്റവും കൂടുതൽ രണ്ടാം ഡോസ് നൽകിയ സംസ്ഥാനം മഹാരാഷ്‌ട്രയാണ്.
മധ്യപ്രദേശാണ് പട്ടികയിൽ മൂന്നാമത്. ഇവിടെ ആകെ 4,64,54,073 ഡോസുകൾ നൽകിയിട്ടുണ്ട്. ഇതിൽ 3,82,34,197 ആദ്യ ഡോസും 82,19,876 രണ്ടാം ഡോസുമാണ്. 4,63,29,301 ഡോസുകൾ നൽകി ഗുജറാത്തും കൊറോണ പ്രതിരോധം ശക്തമാക്കിയിട്ടുണ്ട്. ഇവിടെ 3,46,53,071 ആദ്യ ഡോസും 1,16,76,230 രണ്ടാം ഡോസുമാണ്.
ഇതുവരെ ഉത്തർപ്രദേശ്, മഹാരാഷ്‌ട്ര, ഗുജറാത്ത്, രാജസ്ഥാൻ, കർകർണാടക എന്നീ സംസ്ഥാനങ്ങളാണ് ഒരു കോടി രണ്ടാം ഡോസ് നൽകിയത്. കർണാടകയിൽ ഇന്ന് 5,68,112 കുത്തിവയ്പ്പ് നടന്നു. ഇതോടെ സംസ്ഥാനത്ത് ആകെ 4,23,26,229 ഡോസുകൾ കുത്തിവയ്ച്ചു. 3,19,79,712 ആദ്യ ഡോസും 1,08,74,927 രണ്ടാം ഡോസുമാണ്. കേരളത്തിൽ ചൊവ്വാഴ്ച 4,41,11 വാക്സിൻ ആണ് നൽകിയത്. ഇതോടെ ആകെ വാക്സിൻ എടുത്തവർ 2,90,51,913 ആയി. സംസ്ഥാനത്ത് ഇതുവരെ 2,12,55,618 പേർ ആദ്യ ഡോസ് എടുത്തു. രണ്ട് ഡോസ് എടുത്തവർ 77,96,295 ആയി. കേരളത്തിൽ എറണാകുളം ജില്ലയാണ് കൂടുതൽ കുത്തിവയ്പ്പ് നടത്തിയത്. 34,18,763 ഡോസുകൾ ഇതുവരെ നൽകി. ഇതിൽ 25,52,113 ആദ്യ ഡോസും 8,66,650 രണ്ടാം ഡോസുമാണ്.
Comments