ഇന്ത്യ ഭേദപ്പെട്ടനിലയിൽ; 171 റൺസ് ലീഡ്;വിദേശത്ത് ആദ്യ ടെസ്റ്റ് സെഞ്ചുറിയുമായി രോഹിത് ശർമ്മ

ലണ്ടൻ: ഇംഗ്ലണ്ടിനെതിരായ നാലാംക്രിക്കറ്റ് ടെസ്റ്റിൽ മൂന്നാംദിവസം കളി അവസാനിക്കുമ്പോൾ ഇന്ത്യക്ക് രണ്ടാം ഇന്നിംഗ്‌സിൽ 171 റൺസ് ലീഡ്. ഇന്നത്തെ കളി അവസാനിക്കുമ്പോൾ മൂന്ന് വിക്കറ്റ് നഷ്ടത്തിൽ 270 റൺസ് എന്ന നിലയിലാണ് ഇന്ത്യ.

വെളിച്ചക്കുറവ് കാരണം ഇന്ന് നേരത്തെ കളി അവസാനിപ്പിച്ചു. 22 റൺസുമായി നായകൻ വിരാട് കോഹ് ലിയും ഒൻപത് റൺസുമായി രവീന്ദ്ര ജഡേജയുമാണ് ക്രീസിൽ. ഇന്ത്യയ്‌ക്കായി രണ്ടാം വിക്കറ്റ് കൂട്ടുകെട്ടിൽ രോഹിത് ശർമ്മയും ചേതേശ്വർ പൂജാരയും ചേർന്ന് നേടിയ 153 റൺസാണ് ശക്തമായ അടിത്തറ നൽകിയത്.

127 റൺസ് നേടിയാണ് രോഹിത് ശർമ്മ പുറത്തായത്. വിദേശത്ത് രോഹിത്തിന്റെ ആദ്യ ടെസ്റ്റ് സെഞ്ചുറിയാണ്. പൂജാര 61 റൺസ് നേടി.