മുംബൈ: അശ്ലീലച്ചിത്ര നിർമാണക്കേസിൽ പ്രമുഖ വ്യവസായിയും നടി ശിൽപ ഷെട്ടിയുടെ ഭർത്താവുമായ രാജ്കുന്ദ്രയ്ക്ക് ജാമ്യം അനുവദിച്ചു. 50,000 രൂപ കെട്ടിവെക്കണമെന്ന ഉപാധിയോടെയാണ് ജാമ്യം. കൂടാതെ കേസിൽ കൂട്ടുപ്രതിയും രാജ്കുന്ദ്രയുടെ സഹായിയുമായ റയാൻ തോർപ്പയ്‌ക്കും മുംബൈ കോടതി ജാമ്യം നൽകി. തെളിവുകളുടെ അഭാവത്തിലാണ് കുന്ദ്രയ്‌ക്ക് ജാമ്യം ലഭിച്ചതെന്നാണ് വിവരം.
കഴിഞ്ഞ വ്യാഴാഴ്ചയാണ് രാജ്കുന്ദ്രയ്‌ക്കെതിരെ 1,500 പേജുള്ള കുറ്റപ്പത്രം അന്വേഷണ സംഘം സമർപ്പിച്ചത്. എന്നാൽ താൻ കലാമൂല്യമുള്ള ചിത്രങ്ങളാണ് എടുത്തതെന്നും അതിനെ അശ്ലീലമായി ചിത്രീകരിക്കാനാണ് ശ്രമിച്ചതെന്നും രാജ്കുന്ദ്ര കോടതിയിൽ വ്യക്തമാക്കി.
ജൂലൈയിലാണ് നീലച്ചിത്ര നിർമാണവുമായി ബന്ധപ്പെട്ട കേസിൽ രാജ്കുന്ദ്ര അറസ്റ്റിലാകുന്നത്. ഇതിന് ശേഷം നിരവധി തവണ ജാമ്യത്തിനായി ശ്രമിച്ചെങ്കിലും കോടതി നിഷേധിക്കുകയായിരുന്നു.
Comments