പാരീസ്: ലയണൽ മെസി പുതിയ ക്ലബ്ബിന് വേണ്ടി നേടിയ ഗോളടക്കം പി.എസ്.ജിക്ക് മാഞ്ചസ്റ്റർ സിറ്റിക്ക് മേൽ മികച്ച ജയം. എതിരില്ലാത്ത രണ്ടു ഗോളുകൾക്കാണ് ഫ്രഞ്ച് ക്ലബ്ബ് ഇംഗ്ലീഷ് വമ്പന്മാരെ തകർത്തത്.
ലയണൽ മെസിയുടെ ചാമ്പ്യൻസ് ലീഗിലെ ഈ സീസണിലെ ആദ്യ ഗോളാണ് സിറ്റിക്കായി നേടിയത്. നെയ്മർ – മെസി മുന്നേറ്റത്തിൽ സിറ്റിയുടെ പ്രതിരോധ നിര തീർത്തും നിഷ്പ്രഭമായി.
കളിയുടെ ആദ്യ നിമിഷങ്ങളിൽ തന്നെ പി.എസ്.ജി മുന്നിലെത്തി. 8-ാം മിനിറ്റിൽ ഇന്ദ്രിസ ഗ്വിയേയാണ് പി.എസ്.ജിയുടെ ആദ്യ ഗോൾ നേടിയത്. രണ്ടാം പകുതിയിലാണ് മെസിയുടെ മുന്നേറ്റം ലക്ഷ്യം കണ്ടത്.
74-ാം മിനിറ്റിലാണ് മെസി ഗോൾ നേടിയത്. രണ്ടു ഗോളുകൾക്കും വഴിയൊരുക്കിയത് ഫ്രാൻസിന്റെ സൂപ്പർ താരം കിലിയൻ എംബാപ്പേയായിരുന്നു.
Comments