കൊല്ലം: ശിവിഗിരി തീർഥാടനത്തോടനുബന്ധിച്ച് അരുവിപ്പുറം, ശിവഗിരി മഠങ്ങൾക്ക് കേന്ദ്ര സർക്കാർ ആട്ടോ പവ്വർ ഇലക്ട്രിക് കാറുകൾ അനുവദിച്ചു. അരുവിപ്പുറം മഠത്തിനും ശിവഗിരി മഠത്തിനുമായി കേന്ദ്ര ടൂറിസം വകുപ്പ് എട്ട് ആട്ടോ പവ്വർ ഇലക്ട്രിക് കാറുകളാണ് സമ്മാനൽകിയത്. സ്വദേശി ദർശൻ പദ്ധതിയിലൂടെ കേന്ദ്രസർക്കാർ ശിവഗിരി മഠത്തിനായി അനുവദിച്ച ശ്രീനാരായണ സ്പിരിച്വൽ സർക്യൂട്ട് പ്രോജക്ടിൽ ഉൾപ്പെടുത്തിയാണ് ഇലക്ട്രിക് കാറുകൾ സമ്മാനിച്ചത്.
ആരോഗ്യ പ്രശ്നങ്ങൾ കാരണം പലഭക്തർക്കും അരുവിപ്പുറം കൊടിതൂക്കി മലയിലും, ശിവഗിരി മഹാസമാധിയിലും ദർശനം നടത്താൻ സാധിച്ചിരുന്നില്ല. ഇലക്ട്രിക് കാർ ഉപയോഗത്തിലൂടെ ഇത്തരം പ്രശ്നങ്ങൾക്ക് പരിഹാരമാകും. ആരോഗ്യപ്രശ്നങ്ങൾ നേരിടുന്നവർക്ക് ഇനി സുഗമമായി ദർശനം നടത്താം.
ശ്രീനാരായണ ഭക്തർക്കായി കേന്ദ്ര ടൂറിസം വകുപ്പ് അനുവദിച്ച പ്രത്യേക സമ്മാനത്തിന് ബിഡിജെഎസ് സംസ്ഥാന അദ്ധ്യക്ഷൻ തുഷാർ വെള്ളാപ്പള്ളി കേന്ദ്ര സഹമന്ത്രി ശ്രീ വി മുരളീധരനെ നന്ദി അറിയിച്ചു. കാറുകൾ സമ്മാനിച്ച മോദിസർക്കാരിനെയും ബിഡിജെഎസ് അഭിനന്ദിച്ചു.
