തിരുവനന്തപുരം : 141 കേരളനിയമസഭ ഇനി ചരിത്രം. നിയമസഭയിൽ ഇനി 140 അംഗങ്ങൾ മാത്രമായിരിക്കും ഉണ്ടാവുക. ആംഗ്ലോ ഇന്ത്യക്കാർക്ക് നിയമ നിർമ്മാണ സഭകളിൽ ലഭിച്ചുവന്ന നാമനിർദേശം ഭരണഘടന ഭേദഗതിയിലൂടെ കേന്ദ്രസർക്കാർ നിർത്തലാക്കിയതോടെയാണ് പ്രതിനിധികളുടെ എണ്ണം കുറഞ്ഞത്.
തെരഞ്ഞെടുക്കപ്പെട്ട 140 എംഎൽഎമാർക്ക് പുറമെ ആംഗ്ലോ ഇന്ത്യൻ പ്രതിനിധിയെ സർക്കാർ ശുപാർശ പ്രകാരം നിയമസഭയിലേക്ക് ഗവർണർ ആണ് നാമനിർദ്ദേശം ചെയ്തിരുന്നത്. അതനുസരിച്ചാണ് ഇതുവരെ 141 അംഗ കേരളനിയമസഭയെന്ന് പറഞ്ഞത്.
രണ്ടു വർഷം മുൻപ് ഭരണഘടനാ ഭേദഗതിയിലൂടെ കേന്ദ്രസർക്കാർ ഇത് നിർത്തലാക്കി. ആംഗ്ലോ ഇന്ത്യൻ വിഭാഗത്തിൽ നിന്ന് നിലവിൽ അംഗമായി തുടരുന്നവർക്ക് സഭയുടെ കാലാവധി കഴിയും വരെ തുടരാൻ അനുമതി നൽകിയിരുന്നു.ഇതനുസരിച്ച് ജോൺ ഫെർണാണ്ടസ് കഴിഞ്ഞ സഭയുടെ കാലാവധി പൂർത്തിയാകും വരെ തുടർന്നു.
Comments