ഇസ്ലാമാബാദ് : ഇന്ത്യ ടി 20 ലോകകപ്പിന്റെ ഫൈനലിൽ എത്താൻ പാകിസ്താൻ പ്രാർത്ഥിക്കുന്നതായി മുൻ പാക് ക്രിക്കറ്റ് താരം ഷോയിബ് അക്തർ . ഇന്ത്യയ്ക്കെതിരായ 29 വർഷത്തെ തോൽവിയുടെ ചരിത്രമാണ് പാകിസ്താൻ തകർത്തതെന്നും അക്തർ യൂട്യൂബിൽ പോസ്റ്റ് ചെയ്ത വീഡിയോയിൽ പറഞ്ഞു .
“മൗക്ക” പരസ്യത്തിനെതിരെ രോഷം പ്രകടിപ്പിച്ച അക്തർ പാകിസ്താനെ പോലെ അഭിമാനകരമായ ഒരു രാജ്യത്തെ ഇത് വേദനിപ്പിക്കുന്നതായും പറഞ്ഞു . “ഇന്ത്യ, ഞങ്ങൾ നിങ്ങൾക്കായി ഫൈനലിൽ കാത്തിരിക്കുകയാണ്. കാരണം നിങ്ങളെ ഫൈനലിൽ തോൽപ്പിക്കാൻ ഞങ്ങൾ ആഗ്രഹിക്കുന്നു, അതുകൊണ്ടാണ് നിങ്ങൾ ഫൈനലിലേക്ക് യോഗ്യത നേടുന്നതിനായി ഞങ്ങൾ പ്രാർത്ഥിക്കുന്നത്. ഫൈനലിൽ ഇന്ത്യക്ക് മറ്റൊരു “മൗക” നൽകാനാണ് ഞങ്ങൾ ആഗ്രഹിക്കുന്നത്. ‘ പരസ്യങ്ങള് ഉണ്ടാക്കിയാലും രസിച്ചാലും കുഴപ്പമില്ല. എന്നാല് നിങ്ങള് ഒരു രാഷ്ട്രത്തെയാണ് കളിയാക്കുന്നത്. നിങ്ങളെ ഫൈനലിലും തോൽപ്പിച്ചാലേ സമാധാനമാകൂ – അക്തർ പറഞ്ഞു.പാകിസ്താൻ അഭിമാനമുള്ള രാജ്യമാണെന്നും , പരസ്യങ്ങളിലൂടെ തങ്ങളെ അപമാനിക്കാൻ ശ്രമിക്കരുതെന്നും അക്തർ കൂട്ടിച്ചേർത്തു.
Comments