ലക്നൗ : പ്രധാനമന്ത്രി ജൻ ആവാസ് യോജന ഗുണഭോക്താക്കളുടെ വീടുകളിൽ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് . ദീപാവലിക്ക് പടക്കങ്ങളും മധുരപലഹാരങ്ങളുമായാണ് യോഗി ആദിത്യനാഥ് എത്തിയത് . ജനങ്ങളുടെ എല്ലാ സ്വപ്നങ്ങളും സാക്ഷാത്കരിക്കുമെന്നത് തങ്ങളുടെ വാഗ്ദാനമാണെന്നും, അത് നിറവേറ്റുമെന്നും ഉറപ്പ് നൽകിയാണ് മുഖ്യമന്ത്രി എത്തിയത്.
ഗോരഖ്‌നാഥ് മഠത്തിലെ മഹന്ത് തങ്ങൾക്കായി കൊണ്ടുവന്ന സമ്മാനങ്ങളിൽ കുട്ടികളാണ് ഏറെ സന്തോഷിച്ചത്. പലരും സ്വന്തം വീടുകളിലേക്ക് യോഗി എത്തിയതിന്റെ അത്ഭുതത്തിലായിരുന്നു .
ഒക്ടോബറിൽ ഉത്തർപ്രദേശിലെ എല്ലാ ജില്ലകളിലുമുള്ള 75000 പിഎംഎവൈ ഗുണഭോക്താക്കൾക്ക് പ്രധാനമന്ത്രി നരേന്ദ്ര മോദി പ്രതീകാത്മകമായി ഭവനങ്ങൾ കൈമാറിയിരുന്നു . ഈ ഗുണഭോക്താക്കൾക്ക് അവരുടെ പുതിയ വീടുകളിൽ ദീപാവലി, പൂജ തുടങ്ങി എല്ലാ ഉത്സവങ്ങളും ആഘോഷിക്കാനാകുമെന്നതിൽ സന്തോഷവും സംതൃപ്തിയും ഉണ്ടെന്ന് പ്രധാനമന്ത്രി പറഞ്ഞിരുന്നു.
പ്രധാൻ മന്ത്രി ആവാസ് യോജന പ്രകാരം ഗുണഭോക്താക്കൾക്ക് നൽകുന്ന വീടുകളുടെ 75 ശതമാനമെങ്കിലും ഉടമസ്ഥാവകാശം സ്ത്രീകൾക്കാണെന്നതാണ് തന്നെ കൂടുതൽ സന്തോഷിപ്പിക്കുന്നതെന്നും പ്രധാനമന്ത്രി പറഞ്ഞു.
Comments