പല തരത്തിൽ വിവാഹം മുടങ്ങിയതിനെ പറ്റി വാർത്തകൾ വന്നിട്ടുണ്ട് . എന്നാൽ വരൻ മദ്യപിച്ച് എത്തിയതിനെ തുടർന്ന് വിവാഹം മുടങ്ങിയ സംഭവങ്ങൾ അധികം ഉണ്ടായിട്ടില്ല .
മധ്യപ്രദേശിലെ രാജ്ഗഡ് ജില്ലയിലെ സുതാലിയയിലാണ് സംഭവം. മുസ്‌കാൻ ഷെയ്ഖ് എന്ന യുവതിയാണ് മദ്യപിച്ചെത്തിയ യുവാവിനെ വിവാഹം കഴിക്കാനാകില്ലെന്ന് പരസ്യമായി പറഞ്ഞത് .
വിവാഹ ഘോഷയാത്ര വേദിയിൽ എത്തിയപ്പോഴാണ് അപ്രതീക്ഷിത സംഭവങ്ങൾ ഉണ്ടായത് . വരനും , വരന്റെ ഭാഗത്തുനിന്നുള്ള നിരവധി പേരും മദ്യപിച്ചായിരുന്നു വിവാഹത്തിന് എത്തിയിരുന്നത് . ഒറ്റയ്‌ക്ക് നിൽക്കാൻ പോലും പറ്റാത്ത വിധം ലഹരിയിലായിരുന്നു വരൻ. മുസ്‌കാൻ ഷെയ്ഖ് ഇതെല്ലാം കണ്ടതോടെ യുവാവിനെ വിവാഹം കഴിക്കില്ലെന്ന് പറയുകയും നിക്കാഹ് ചടങ്ങിൽ ഇരിക്കാൻ വിസമ്മതിക്കുകയുമായിരുന്നു.
മകളുടെ വാക്കുകൾക്ക് പൂർണ്ണ പിന്തുണയുമായി മാതാപിതാക്കളും ഒപ്പം നിന്നു . വധുവിന്റെ കുടുംബത്തിന് പോലീസും പൂർണ പിന്തുണയും നൽകിയിട്ടുണ്ട്.
Comments