കൊച്ചി : ഖാദി ബോർഡ് വൈസ് ചെയർമാൻ പദവി പി ജയരാജൻ ഏറ്റെടുത്തതിനെ പരിഹസിച്ച് ബി ജെ പി നേതാവ് സന്ദീപ് വാര്യർ . ഗാന്ധിയൻ മൂല്യങ്ങളുടെയും അഹിംസയുടെയും സഹിഷ്ണുതയുടെയും പ്രതീകമായ ഖാദി പ്രചരിപ്പിക്കാനുള്ള ദൗത്യം കേരളത്തിൽ ഇനി പി ജയരാജൻ നിർവഹിക്കും. എന്തുകൊണ്ടും മികച്ച ഒരു ഇത്.’-എന്നാണ് ജയരാജന്റെ ചിത്രം പങ്കുവച്ചുകൊണ്ട് അദ്ദേഹം കുറിച്ചത്. കണ്ണൂർ ഗാന്ധി എന്ന ഹാഷ്ടാഗും നൽകിയിട്ടുണ്ട്.
പി ജയരാജൻ ഇന്ന് രാവിലെയാണ് ഖാദി ബോർഡ് വൈസ് ചെയർമാൻ സ്ഥാനം ഏറ്റെടുത്തത്. കഴിഞ്ഞ ലോക്സഭാ തിരഞ്ഞടുപ്പിൽ മത്സരിക്കാൻ വേണ്ടിയായിരുന്നു കണ്ണൂർ ജില്ലാ സെക്രട്ടറി സ്ഥാനത്തു നിന്ന് പി. ജയരാജൻ മാറിയത്.
ആർ.എസ്.എസ് കണ്ണൂർ ജില്ലാ ശാരീരിക് ശിക്ഷൺ പ്രമുഖ് കതിരൂർ മനോജിനെ കൊലപ്പെടുത്തിയ കേസിലെയും,എം എസ് എഫ് പ്രവർത്തകൻ അരിയിൽ ഷുക്കൂർ വധക്കേസിലെയും പ്രതിയാണ് പി ജയരാജൻ.
മനോജ് വധക്കേസിൽ യുഎപിഎ പ്രകാരമാണ് ജയരാജനെതിരെ കേസെടുത്തിരിക്കുന്നത്. ഷുക്കൂർ വധക്കേസിൽ ജയരാജന്റെയും,സിപിഎമ്മിന്റെയും പങ്ക് എം എൽ എ ഷംസീർ തന്നെ വെളിപ്പെടുത്തിയിരുന്നു.
Comments