ന്യൂഡൽഹി:കൊറോണ പുതിയ വകഭേദം ഒമിക്രോണിൽ ഭയപ്പെടേണ്ടെന്ന് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ. ആർടിപിസിആർ,ആന്റിജൻ പരിശോധനകളിൽ ഒമിക്രോൺ സാന്നിധ്യം തിരിച്ചറിയാൻ കഴിയുമെന്ന് മന്ത്രി വ്യക്തമാക്കി.
വിവിധ രാജ്യങ്ങളിൽ ഒമിക്രോൺ സ്ഥിരീകരിച്ച സാഹചര്യത്തിലാണ് സംസ്ഥാനങ്ങൾക്ക് കേന്ദ്രമന്ത്രി ഇത് സംബന്ധിച്ച് നിർദ്ദേശം നൽകിയത്.കൊറോണ പരിശോധനകൾ വേഗത്തിലാക്കി പരമാവധി വർദ്ധിപ്പിക്കണമെന്ന് അദ്ദേഹം കൂട്ടിച്ചേർത്തു.വിമാനത്താവളങ്ങളിൽ നിരീക്ഷണം കർശനമാക്കാനും മന്ത്രി സംസ്ഥാനങ്ങൾക്ക് നിർദ്ദേശം നൽകി.ആഭ്യന്തരമന്ത്രാലയം നൽകുന്ന നിർദ്ദേശങ്ങൾ പാലിക്കാനും മന്ത്രി നിർദ്ദേശിച്ചു
വീടുകൾ തോറുമുള്ള വാക്സിനേഷൻ ക്യാമ്പയിൻ ഡിസംബർ 31 വരെ നീട്ടി . രാജ്യത്ത് കൊറോണ നിയന്ത്രണ വിധേയമെന്നും മന്ത്രി വ്യക്തമാക്കി.ഭീതിയുടെ ആവശ്യമില്ല. എന്നാൽ മുൻകരുതലും ജാഗ്രതയും തുടരണമെന്നും മന്ത്രി കൂട്ടിച്ചേർത്തു.
Comments