കൈതപ്രത്തിന് ഗോൾഡൻ ഫോക്ക് അവാർഡ് സമർപ്പിച്ചു

കുവൈറ്റ് സിറ്റി – കുവൈറ്റിലെ കണ്ണൂർ ജില്ലക്കാരുടെ കൂട്ടായ്മയായ ഫ്രണ്ട്സ് ഓഫ് കണ്ണൂർ കുവൈറ്റ് എക്സ്പാറ്റ്‌സ് അസോസിയേഷൻ (ഫോക്ക്) പതിനാലാമത് ഗോൾഡൻ ഫോക്ക് അവാർഡ് പത്മശ്രീ കൈതപ്രം ദാമോദരൻ നമ്പൂതിരിക്ക് സമർപ്പിച്ചു. അവാർഡ് ദാന ചടങ്ങിൽ തദ്ദേശ സ്വയം ഭരണ, എക്സ്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ അവാർഡ് സമർപ്പണം നിർവ്വഹിച്ചു.

ഫോക്ക് വർക്കിംഗ് ചെയർമാൻ ഐ വി ദിനേശ് അദ്ധ്യക്ഷനായ ചടങ്ങിൽ ജൂറി അംഗം കെ.കെ.ആർ വെങ്ങര അവാർഡ് ജേതാവിനെ പരിചയപ്പെടുത്തി. ടി. ഐ മധുസൂധനൻ എം.എൽ.എ പ്രശംസാ ഫലകവും, പയ്യന്നൂർ നഗരസഭ ചെയർ പേർസൺ കെ.വി.ലളിത ക്യാഷ് അവാർഡും കൈമാറി.

മുൻ എം.എൽ.എ ടിവി രാജേഷ്, കെ.ബ്രിജേഷ് കുമാർ ഡി.സി.സി സെക്രട്ടറി, കെ രഞ്ജിത്ത് ബി.ജെ.പി സ്‌റ്റേറ്റ് സെക്രട്ടറി, ജൂറിയംഗം ദിനകരൻ കൊമ്പിലാത്ത് സീനിയർ റിപ്പോർട്ടർ മാത്യഭൂമി എന്നിവർ ആശംസകൾ നേർന്ന് സംസാരിച്ചു. നടനും ജൂറിയംഗവുമായ ചന്ദ്രമോഹനൻ കണ്ണൂർ സ്വാഗതം ആശംസിച്ചു. അവാർഡ് കമ്മിറ്റി അഗം ഗിരിമന്ദിരം ശശികുമാർ നന്ദി രേഖപ്പെടുത്തി.