ഇടുക്കി: കുമളി ചക്കുപള്ളം ആറാംമൈൽ വലിയപാറയിൽ ജനവാസ മേഖലയിൽ വീണ്ടും കരടി ഇറങ്ങി. വലിയപാറ മേലേക്കുന്നത്ത് ബാബുവിന്റെ വീട്ടുമുറ്റത്താണ് ഇന്നലെ രാത്രിയോടെ കരടി എത്തിയത്. ഇവരുടെ വീട്ടിലെ സിസിടിവിയിൽ കരടിയുടെ ദൃശ്യങ്ങൾ പതിഞ്ഞിട്ടുണ്ട്.
വീടിന് മുൻവശത്ത് സ്ഥാപിച്ചിരുന്ന തേനീച്ചപ്പെട്ടി കരടി തകർത്തു. കഴിഞ്ഞ ഏതാനും മാസങ്ങളായി വലിയപാറ മേഖലയിൽ കരടിയുടെ സാന്നിധ്യം പതിവാണ്. രണ്ടാഴ്ച മുൻപ് ആറാംമൈലിനു സമീപം കൃഷിയിടത്തിൽ തൊഴിലാളികൾ പട്ടാപ്പകൽ കരടിയെ കണ്ടിരുന്നു. തുടർന്ന് വനപാലകർ സ്ഥലത്തെത്തി പരിശോധന നടത്തിയെങ്കിലും തുടർ നടപടി സ്വീകരിച്ചിരുന്നില്ല.
വനാതിർത്തിയോട് ചേർന്ന് കരടിയുടെ സാന്നിധ്യം പതിവാണ്. എന്നാൽ, വീടുകൾക്ക് സമീപവും ജനവാസ മേഖലയിലും കരടി എത്താൻ തുടങ്ങിയതോടെ ആളുകൾ ഭീതിയിലാണ്.
Comments